Pregled posta

Adresa bloga: https://blog.dnevnik.hr/freshcayg

Marketing

Ka šećerna vata u cirkusu

Te godine smo postali sedmaši, Alma je rekla da će bit učiteljica, a ja san tija bit doktor, njima su svi nosili plave kuverte sa markama, šteke duvana i boce viskija.

Ako si tija ić u penziju onda si dr. Uglješiću da pet iljada maršaka i dobija si pensiju invalidsku i potvrdu da si lud, sad se s time bavi njegov sin, to je nasljedno.

Ako je tribalo aperisat babu nosija si pesto maraka Kirurgu, a ako je tribalo aperisat nos nosija si pesto maraka onom otorinolarinhologu.

Zdravstvo je inače bilo besplatno samo si uvik triba imat pesto maraka uza sebe.

Tako su svi likari imali vikendice, i dobra auta, i Dica su in bila bolje obučena, a žene su in se ponašale ka da su uvatile boga za bradu, puno su volile pare pa su se pravile da ne znaju da in mužovi natežu medicinske.

Zato san ja tija bit doktor, da iman puno para i da se seksan sa ženama u uniformi.

Almi je to bilo smišno pa je pitala bi li ja nju prigleda, ja san reka da bi ako ćaći uzme pesto maraka, onda je ona rekla da je mislila da bi ja nju mukte prigledava, pa san ja reka da moran držat do likarske reputacije.

Onda je ona rekla da je hitan slučaj i da sva gori, pa se počela skidat, mene je bila frka da će jon starci doć, a i Vlado Kalember me je sa postera na zidu čudno gleda.

I tako smo se mi skinili u njenoj sobi, samo smo mudante imali na sebi, ja nisan zna bi li jon i triba skinit, ili će i skinit sama, a ima bit da nije ni ona, a smo se zavalili kod nje u kravet i malo se stiskali.
Ona je rekla da je nju stra, da me puno voli ali da se boji, ja san reka da mene nije, ali da će bit po njenome da nam nigdi nije priša, pa smo se još malo stiskali, a onda smo se obukli i otišli na školsko igralište.

Buzdo je reka da će on bit mesar ka Zdenin stric koji je ima Mercedesa, pa ga je mater pukla kuvačon i rekla da bi bilo bolje da je kamen rodila.

Post je objavljen 03.05.2020. u 19:08 sati.