Marketing
To može jedino stara teta
Predstavila me jučer teta izvrsnom interpretacijom mojih pjesama.
rad bi se vrnul
rad bi spet v mladost se vrnul
morti ondak razmem vreme kaj curi
v okicama nekim videl bum davni početek
dobro bi bilo da to bude jen dežni petek
pod ambrelom da se prisetim plavega neba
da bu to kušlec črlen kak trešnja
v tišini naša tela štela bi se najti
o kak su lepi takšni cajti
portugizec
portugizec se danes na trgaču krstil
negdo je za vinčeko grozdje pobrstil
gdo ga je v preši tiskal štel bi znati
lepe pucice zdigneju kiklice
nisu toj severine ni štiklice
ondak se se to lepo vu bačvami toča
mora to vreti da bude fajn kakvoča
i nikom neje lepše neg je nam
samo da bu tako saki dan
na bini Martinov jato
se lažni popi
samo da nas vince pravo
poškropi
kasne vure se veliju
sove još ne spiju
nedela
včera je bakica za nami lukala
prešli smo hitrejše na Samoborčeka
več je bil pravi cajt za iti
a ondak sme Jurek i ja čakali v kmici
samo se crkvica svetlila
lušno je bilo i sam se setil detinstva
kak sem se ko dečec s bregeca rodlal
Jureku sem pričal kak mi Ivančica visibabe prinesla
a ja sem onda celega dneva popeval
ondak sem Jureka za kakvu pucicu pital
a se samo nasmejal
i stigel je bus i otpelal nas v Zabreg
o pucicama bu mi drugega dneva povedal
Fala teta!
Post je objavljen 07.03.2020. u 07:28 sati.