Pjevaju Anonymus4
Lullay, lullay, lay lay, lullay: mi deere moder, sing lullay.
Als I lay on Yoolis Night alone in my longing
me thought I saw a well fair sight, a may hiar child rokking.
The maiden wold withouten song hir child o sleep to bring;
the child him thought sche ded him wrong and bad his moder sing.
'Sing nou moder,' said the child, 'wat schal tome befall
heerafter wan I cum til eld, for so doon modres all.'
'Ich a moder, trewely, that kan hir credel keep,
is wun to lullen luvely and sing hir child o sleep.'
'Sweete moder, fair and free, because that it is so,
I pray thee that thou lulle me and sing sumwat therto.'
'Sweete sune,' saide sche, 'weroffe schuld I sing?
Ne wist I nere yet more of thee but Gabriels greeting.'
'He grett me goodli on his knee and saide, "Hail, Marie!
Hail, full of grace, God is with thee; thou beren schald Messie."'
'I wundred michil in my thought, for man would I richt none.'
"Marie", he saide, "dred thee hought: let God of heven alone."
"the Holi Gost schal doon al this," he said withouten wun,
that I schuld beren mannis blis and Godis owne sun.
He saide, "thou schalt bere a king in king Davitis see;"
in all Jacobes wuniing ther loverd schuld he be
'I answered blethely for that his word we paid,
lo Godis servant heer am I be et as thou me said'
'The schepperds waked in the wold thei herd a wundermirth
of angels ther, as theim thei told the tiding of thi birth'
'Sweete sune, sikerly, no more kan I say,
and if I koulde, fawn wold I, to doon al at thi pay'
'Serteynly this sicht I say, this song I herde sing,
als I me lay this Yoolis day alone in my longing.'
Post je objavljen 20.12.2019. u 16:01 sati.