Marketing
dve kaplice za vrat .............
Kak se to podrazumjeva da v jesensko doba i dež curi... tak se mi Zagrepčanci nemremo požalit da to ni tak. Dežek malo curi... više ne curi il samo pomalo sere. A to je ono najgorše... neznaš dal bi ambrelu odprl il bi računal da ono sranje nebu dugo potrajalo. tak sem i ja čekal... dežek je sral i onda sem ja skužil da sam več mokar do riti. Kaj je najbolše nis imel ambrelu neg kožnati ajncug i kožnatu kapu šiltericu... I sva se ta nebeska voda cjedila prema dol po mojim kolenima...tak da sem bil do riti mokar od zdoljne strane a ne odzgor. No... to su komplicirane stvari... nebumo zdaj delali od tega senzaciju.
A ja po staroj navadi budan od ranega jutra kak da sam pekar... moram malo šalabajzat po Gradu makar i sekire padale. Kaj buš... nemrem spati... pri hiži tak rano nemam kaj delat... moji pajdaši sused Cajger i sused Limar još se v to doba držiju svojim babama za rit... i onda kaj... na trajvan i pelaaaaj... pa največ zidem dol na Frankopanski... stanem na vuglu i gruntam na koju stran sveta da krenem. Jemput je to dol po Frankopanski... na Safsku... pa pokraj Cibone na Tratinsku i tak čez Staru Trešnjefku do Remize. Tam si spijem v poznatom kafiču dve tri Nesice od vanilije... navek najdem kakšne poznate domače protuhe kaj nemreju kak ni ja spati... malo pripovedamo i onda ja biram puta nazaj v svoju domaju.
Drugi puti su od Frankopanske čez Mesničku prek Griča brega na Gornji Grad pa onda nekim putem nazaj dol ... koji put z Jurjefske a največ niz Felbergerove štenge pa na dobru staru Tkalču. Kak Palainofka v to doba još ni odprta gor na Sjevernoj Promenadi... imam mali odmor v kojem od sto kafiča.
Treti puti su ravno od Frankopanske spram Trgača... tu je ponovno dilema kam dalše...al ima se velki izbor. Tak sem denes zagrabil put Jurišičeve s najbolšom namjerom da pokraj burze odgibam čez Martičevu..pa onda negdi naredim okretanje pa čez Vlašku nazaj. Jeee... nigdar ni kak bi si človek zamislil.... Dol v Jurišičevi sam stal spred izloga z cipelišima... čudim se kakšne su to cjene za obični opanak...gda najemput ... jebal ga vrag... scjedi mi se voda za vrat... uhhhh... kak sam klel... pogledim gor a ono spet opadne velka kaplica i praf meni pod kraglin... Tekar sam zdaj odstupil od izloga i vidim da gor na krovu kaplje z žleba. tak ti je to gda nit jedna hiža va našemu lepom Gradu nema pazikuču... pa su žlebi vsi proluknjati i tak to ostane dok i sam žljeb ne odpadne nekom na tikvu.
No... sam štel kazat da su se one dve ogromne kaplice scjedile niz moj vrat čez leđa i završile na gumi od gač. Zgubil sam volju za dalše španciranje... hitno moram najti utočište ... se razme brtiju.
Eee... zdaj sam si gruntal da sam trebal ipak zeti ambrelu...no kaj... zarad te dve kaplice... hmmm... a mogel je žleb puknut i zdaj bi bil mokar kak da je Nijagara na mene scurela... al ipak nije... a mogel je i žleb odpasti jer je truli a ambrela bi malo ublažila katastrofu...eeeh... kaj bi bilo gda bi bilo... brez veze... pem ja nazaj od kud sam i došel... dost je za denes i kaplic i španciranja... kolena su mokra... čak mi ni nit do Nesice ... ha ... bum si spil travaricu na Trgaču pri Kavaliru.
Tu sam malu znal
još na triciklu
danas sam ju susrel
na biciklu.
I ja imam biciklina
ragu staru kaj se klima
na torpedo žlajfu
znjim sam navek ja u laufu.
Post je objavljen 03.11.2019. u 16:43 sati.