Marketing
I CO SAD
I co sad
Kad nos vej ni,
Pasale su ure
Finilo je sve.
U sarcu ništo imo
Obo jubavi,
O temu moru
O ovemu škoju.
Sve ca vridi
Toti spi,
U njegovemu
Velom poju.
Zaškurilo se
Na lastovici,
Klapje škura
Vajo portit ovu nuć.
Tuko ti
Na luku puć,
Portilo je lito
Finila je jematva.
Ca ti je
Danas svit,
Ukarcoj se na vapor
I porti za Split.
Dean "Poss" Plazonić
Post je objavljen 05.10.2018. u 10:50 sati.