Marketing
SUSRET NA VISOKOJ RAZINI
Judi neznaju da se ja i on cujemo skoro na dnevnoj razini, baren na dvi minute, samo da razmjenimo informacije i di ćemo ispalit bombe. Suboton smo uglavnon na Korzo uz kafu.
- Kako ste se ranđali koda kod predsjednika grete?!
- Ti si više od predsjednika, da judi oko nas ne receju da ličimo na šejani.
- Opet ti sa šejanima, ubit će ju te.
- Ma baš me briga.
- Ma jesi ti vidi ovo Bebiću moj, nanka besede da je barba Ive Cerni umra, pa ki su to judi tamo doli?
- Već sam o tome pisa i ti to jako dobro znaš. Ja san siguran da čovik ki je dobi nagradu grada, zasluži je i da ga se spomene na tom portalu ki predstavlja taj isti grad. Nekako mi se cini da taj portal više ne uređuju isti judi ki su bili na pocetak. Na ton portalu bi se trebalo znat, nakon ca je gradonačelnik pernu na Katine, pet minuta pokli toga već bi to tribalo bit dignuto gori. Ovako, zac služi taj portal, pitan ja tebe?
- Stvarno pervi put kada si pisa misli san, ca vo Bebić bez veze govori koda je popizdi, ca to njega briga. Ki je umra njega više ni, ca bi se njega neki spomenu.
- Sin mu je tamo dogradonačelnik, covik je koga bi se tribalo čuhat. Ovako ćemo saučešće uputit preko bloga.
- Vidiš Bebiću kako se to dogodi, da u dva dana ode mat bivšem gradonačelniku i otac sadašnjen dogradonačelniku.
- U svemu tome i barba Ive je bivši gradonačelnik ki je usko surađiva sa teton Tonicon, dok je ona rukovodila ondašnjon Riječkon bankon. Na ca smo mi to došli prijateju moj? Dali je moguće da su šoldi jedini kriterij ki u Pag prolazi. Ne mogu verovat da su se sve vridnosti grada izgubile. Sve se pred lito zmerci na brzinu, kako bi se judima oci zatvorile, tobože da se ca ucinilo. Najvažnije je uzest šoldi i kako doli receju: neka draga dimi.
- Ca moreš Bebiću moj, ispada da je tako. Nego reci ti meni oćete danas pobjedit Dinamo da nan pomorete.
- Do kada ćemo mi vamin pomagat. Ako mi dobijemo danaska Dinamo, još i mi moremo bit pervi.
- Daj ne zajabevaj, di vi morete bit pervi?
- Racunaj pa ćeš vidit.
- Zajeban je onaj Slovenac, on van je pun pogodak.
- Kad greš u Pag?
- Ovo lito.
- To znan i ja. Ne moreš bez aparata, ja mislin da nanka ne greš leć bez aparata.
- Slikivan Matea, sada ću i tebe ovjekovječit da te iman za uspomenu ili da se Mateo siti sa kin smo se družili.
- Nisan te pita jesi pročita članak za Dušana iz Suvenira. Nisan zna da je Dušan organizira glazbenu uniju ovde u Riku.
- Ki je to triba ucint po tebi?
- Ca ja znan ki je to triba ucint, ali svejedno nisan zna da Dušana ovde toliko cjeniju.
- Ca to govoriš turlavce. Sve pisme ovoga grada i pismu nogometnom klubu Rijeka je napisa Dušan. Ovde u Riku ga zato i štimaju. Kada recen da je on Pažanin niki mi ne veruje. Još je Portada bi napisa kada je dobi nagradau grada Paga, da je on porijeklom Pažanin. Po tome smo ja i ti porijeklon Pažani, a to ca smo se i jedan i drugi rodili na Prosiku, koga briga za to.
foto:Sergej Drechlers
- Baš mi je drago za Dušana, napiši ku besedu o tome.
- Bit ćeš uslužen. Gremo mi pomalo doma, jer san ja ovome malome i otac i mat.
- Bogami, ni tebi ni lako.
- Navikli smo se na to, bit će boje. Kako si reka da se zove ono di živeš? Srboči!
- Da ti se zajebavat, moraš cakod reć jer bi puka.
- Cujemo se.
- Ne baculaj.
Post je objavljen 29.04.2018. u 18:27 sati.