Marketing
Ni med cvetjem ni pravice
Zajček, gumbek, bažulek i slak
čuli su terpuca kak punta se bedak.
Pak rekel je gumbek: "Ti si bedak,
to je tak vola božja, pak ima biti tak"!
"Ni ja nis roža ni fergismajniht
ni dijacint, ni holer, ni admiralov cvet!
Ja priklonit sem gumbek, a nis dišeča teja,
pak srečen sem kak gumbek, kad nis Galateja!"
A rekel je terputec: "Slatki vi gosponček,
naj daju mi jen preponizni pardonček,
kajti ja ne klimam sakom kakti zvonček!"
"Vi v gartlicu dišite, kakti mačuhice,
a nas pak zoblu vrapci i tice krilatice.
Po nama smrade krave i cigan se posce,
na kačino mleko, na zimolezine.
Vu plahticam vašim božje dete spi,
na piriku, terpuca ni vrag ne gledi."
"Ak pak če bi tak,
da na svetu biti ima tak
da na jenog krava i cigan se sce,
a drugi pak v gartlicu kak admiral diše,
če ima biti tak, naj onda bu tak,
a ja, kak jalnuš, gladnuš i bedak,
del si bum za škrilak goreči čerleni mak
pak nek dojde veter, sivi severnjak!"
"Severec, kozoderec, skunkačov strah i kač,
raznesel bu vre farbe s pisanih vaših gač,
a nami bu sejeno, mi tak sme polski drač,
bespuci, terpuci i kravji kolač!"
(M. Krleža, iz Balade P. Kerempuha)
Sve to cvijeće tu oko kuće cvate. Čovjek bi pomislio da nije moguće jer temperatura još nije bila više od 13 st. Ipak prekrasno je. više vrsta narcisa, raznobojne kamelije, livadno cvijeće, forzicije su napupale, kale su krenule
Hortenzije se spremaju, ruže bujaju. Stvarno čudesno. Sve kaj bute svratili lijepo pozdravljam.
Post je objavljen 05.04.2017. u 20:51 sati.