Marketing
BREAKING NEWS
BAKALARIĆ
Ovo se zove providnost, atroke one providnosti by @lavica
Naučija ja ženu da za Božić bude bakalar.
A to smo jili i u oni čorni zeman, kad je Roku Prč Anđa pekla teletinu.
Ova moja ni ni znala ča je to bakalar, a kamo li Hristos se rodi,
kako to @Mekon veliju ...... koji je sad pak to !??
I tako me ona moja već od prvog dvanajestog počne ganjat:
kupi bakalar, kupi bakalar,.......
A ja komodan, a zna se i rodon s Brača 2, e, kažen:
Biće ženo, biće.... providit će Blog.
Oli ne vidiš da su me ungurirali i za blogera šetimane!!
I ništo me ganjalo da oden na škoj, a za pravo reć ima san tamo i ništo posla.
Ja niki dan tamo, a na rivu, na oglasnu ploču - Obavijest svim umirovljenicima.
Atroke Bandinjo ili Ker.... ma ne,... jedan od ona tri kraja, ...... Baltazar!!
Lipo piše di, kad i u koju uru,
a kako je jutro svanilo sunčano i bez oblaka, (a kako će drukčije, e ?)
to se načelnik s pomoćnikom instalira na rivu
s bakalarima i spiskon.
I onda, kako ko dojde, samoposlužno vazme jedan bokun.
I neka sad neko reče da nisan prorok!!
Ma Jeremija mi ni ni blizu!!
Evo naušno dokazano!! Materijalni dokaz!!
Post je objavljen 19.12.2016. u 12:25 sati.