Marketing
Gda se vreme punta......
Makar mi tam okol podneva ni baš vreme preveć ziher zgledelo.. zaputil sam se v tu riskantnu španciranciju.. onak.. brez šilterice.. brez ambrele.. v sandalama.. pa kaj bu nek bu ... nisam od cukora da se bum raztopil ak se dež zpusti ....
I vse si gruntam kak bum si puta skratil.. pa bum zavrnul v prvu vulicu.. pa onda se zpremislim..pa pem dalše.. ha.. prizivlem vraga of put ..odzgor ...ha ... Baš uzput gledim.. zapraf več je dugše vreme tak.. naša slavna Zagrebačka Pivovara več ni ona blesava Pivana.. neg su vrnuli starog naziva.. Prafzapraf.. nigde ni dokazano da je negda to opče bila Pivana.. barem odgdar ja pamtim.. No.. se nekakšni bilmez tomu domislil.. pa ni išlo.. Nemre nikak Pivovara postat Pivana.. kak nit jaje nemre postat ..juje ....
A kak su se ti črni oblaki vse bolše nadvili znad našeg Grada.. tak se i meni vse boše žuri.. Makar se ja ne bojim zmočit.. istini za volju.. ima tu brtija gdi človek more mirne duše vedrit pri kakšnoj kupici.. Ipak sam zavrnul tu pokraj Zapadneg kolodvora.. Maaaa.. si videl.. kak slučajno i tu je negdo obesil tablu..Ožujsko pivo.. Aaa.. nis ja nikaj krif kaj imam tak dobro.. se reče.. zapažanje...ha ...
Bogmeš se fajn začelo kmičit.. to znači da treba iskati puta gdi ima ..il haustora..il brtija.. tak da se za slučaj nepogode z neba človek ima kam skriti .. Makar bi se štel malo prešpancirat sim tam prek Keglbajsa.. bumo to pustili za koju drugu priliku..
Vrabec ga dal.. pa ja denes nis spil nit jenu Nesicu.. Jeee. to ti tak gda menjaš navade.. Denes nis od jutra zišel van.. neg tekar posle podneva.. A ja ti ne pijem one kavice nit nikaj slično tomu.. to je za moje babe pri hiži.. ja si rajši podudlam moju Nesicu od vanilije v brtiji il kafiču.. Pri hiži se to nit nemre naredit tak fino.. I kaj.. dobro sam tu naletel na Štalicu.. to ti je tu domača brtija.. no.. v Međimurski vulici.. mam pokraj železničke štreke posle Zapadneg kolodvora.. nit tri koraka.. A tu ima dobre Nesice.. narafski..ima i Žuje.. al ima i dobreg domačeg gableca za pojesti.. Doduše.. ja rjetko gda tu nekaj pojedem.. jedin ak mi je kakšni pajdaš zmenom.. .. al se navrnem.. onak.. z navade.. Tu na gablece dolaziju domaći dečki z Keglbajsa.. pa i oneh par železničarof kaj su još ostali v negdarnjim skladištima pri štreki ... Daklem.. Nesica pri Štalici.. i pem dalše....
A rampi pokraj železničke štreke se v Zagrebu nigdar nebumo rešili.. Čim se odmakneš od centra Grada.. tu na periferiji su rampe.. Makar denes več slabo cugi prometuju..ipak zna bit ta rampa dole zpuštena i dugše neg bi človek štel.. pa se nigdo na to ne obazira.. oni z autima prejdu dalše tam gdi ima podvožnjaka.. a pješaki lepo plaziju spod rampe pa bežiju prek štreke.... Viš.. tam z druge strane rampe je Trešnjefka.. Moral bum i tam malo prejti.. nis več dugo bil ....
Viš.. tak ti je to.. gda se vlečeš čez pokrajne vulice.. nema nikaj interesantnog.. čak nis nit kakšnu žensku susrel kaj bi se za njom obrnul ... nis nikog poznatog videl.. pa čak nit z Franka više ne miriši pržena kava.. kak vse zgledi.. a to je kakti tajna.. nit tu više ne pržiju kavu.. Velki kamijoni dopelaju to čudo kakti rimfuzu.. a tu strojevi samo pakiraju ... Od negdarnjih hiladu radnikof.. tu ih denes dela samo pedeset.. I tak.. dalše ni nit najmanje zanimlivo.. dosadila mi je priferija.. sel sam si na trajvan i odpelal v svoju.. provinciju ...
Serbus .....
Post je objavljen 16.09.2016. u 14:25 sati.