Marketing
Adio?
Vidili ste svi ča se dogodilo 
Skoro cili dan nisan povirija na internet ... Puna mi je glava svega .... ne da mi se više pisat ni slikavat.
Čak san razmišlja da udunen blog, poslin dvanaest godin pisanja ... i fejs profil, isto tako.
Šta koga zaboli quki za moje mišljenje ... neke mi je stvari STVARNO postalo gadljivo čitat ...
Pitaće me sad oni najžešći:
A za koga si ti?
Ma nisan van ja za nikoga. Uvatija san pedesetitri godine i jeman dovoljno iskustva da znan da ovo sve skupa ne more na dobro izać
Satralo me ovo sve ča se događalo ova tri dana.
Od osandesetipete minute one nesriknje utakmice kontra Češke, a koja je tako lipo počela 
Ne sudin nikoga ... samo san beskrajno žalostan da je do ovega moralo doć.
Žalost je jedini osjećaj koji me buba po glavi.
Kalmajmo (smirimo se, za sjevernjake) svi malo skupa.
Ako već nije kasno!
Zdravi i veseli bili!!! 
... I ko zna kad, i ko zna di ...
Post je objavljen 19.06.2016. u 23:42 sati.