Marketing
33. MEĐUNARODNI RIJEČKI KARNEVAL
Red je kako i svako godišće donit slikovno izvješće sa 33. Međunarodnog karnevala u Riku, ki je vo godišće okupi više od deset ijad maškar, 110 karnevalskih grupa, od kih 73 imaju kako oni to zoveju "alegorijska kola". Da ih je u Pag toliko koliko ih je na karneval u Riku, sve paške ceste bismo badava ucinli.
Mašakranu povorku je predvodi Meštar Toni, sa krajicon Sandrom, naravno Obi sa njima u fraku. Ki je ono broj fraka, pitaj dragoga Boga? Gradska glazba Trsat sa Morčićima su ukras povorke.
Pa da ja previše ne tlapim triba od 500 slik izabrat ono najboje i najinteresantnije.
Ovako je pocelo:
meštar Toni i krajica karnevala
gradonačelnik u fraku
gradonačelnika i meštra pratiju morčići
da ne zaboravim Trsatske glazbare
bilo je i paških unukov u karnevalu, kako maškaranih, tako i gologa obraza, on je zametski zvončar, mat mu je Grujicinka, ovoga u civilo znate
njemu je mat Fabijanika iz Šimuni, on je zametski zvončar, zove se Antonio i poznati je rukometaš
njemu je ded Oguić iz ulice 5.aprila, on je zubar i kunjado sestri mu
Korzo je centar mašakranog svita, barem u Hrvatskoj
kod Vele pijace već prolaziju "alegorijska kola", a ima ih koliko ti serce želi
na rivu svake versti maškar, neće mi kartica odlit ako ovako nastavin
doveli su i dr.Božu na rivu sa svojim marionetama
Mateo se ne odvaja od zvončara, pa ma ki bili
ovaj mali ga uci kako se to radi
grupa svih boja, svih mogućih značenja, da covik ne veruje
bilo je i papiga
i oni ca letiju unebo sa balunima
tu su i zmajčeki, svi u zeleno
riječke dizalice, a ki bi njih diga?!
belo-plavi glazbari iz svetog Jakova i Mateo sa njima svira bubanj
bele vještice u akciji i višćuni
pehinarska gospoda
sva moguća prevozna sredstva
i senjani su došli sa motoron
nikad prežaljena buba dobro dojde za karneval
more i na biciklu
traktora svih versti i svih boja
bilo ih je ki su bili ljuljačke
ovakav vozni park, nima ni Autotrans
bilo je i lipih maškar, osmišljenih, ovi su došli iz Makedonije
i ovakvih, ke se rugaju
lipe kako sunce
i one ca poruke šajeju i kada su u maškare
indijanke
ništa bez crikve, od fratrov
uz biskupov blagoslov na prag kafića
ni falilo ni fureštoga svita od svih strana svita i to maškaranih
i ona ca je došla samo slikivat
došli su Dondolaši, Mateo ih je jedva doceka
Fran je avancira u maloga kapa, stari Dondolaši su parićani
Korzo je pocelo gorit, mi smo zdurali pervih pet uri, još je toliko ostalo pred maškaramin pa neka in Bog da snage da sve to zduraju, a ja sam Vam samo pokazao deset posta od onoga ca san slika.
Post je objavljen 07.02.2016. u 22:08 sati.