... da bi napisati tu nekaj zgodno bilo. Sem tu, al mi nekak nejde pisanje. Mi svakaj na pamet padne, pa i jako zanimlivo. Padne i zakotrlja tolko misli da ih poloviti nemrem. Morti nekak vu glave i držim, al vu slova, reči, rečenice il čak štivo, e to pa nejde. Je nekolko toga zakaj to rivlem proč.
Kak prvo; vidim maglu i to na samo jeno oko. Drugo ni bolje, kaj tam je navek kmica. Kak me sve to vlovilo, a ni došli baš od jenput, sem se privikaval. Pa magla je v životu dost normalna nezgoda. Se sećam da sam kroz nju nekak mogel. Pa kaj nebi i sad? Je, al tu ima jena caka. Ta magla sad je samo pri meni, a drugi ju ne vidiju. Kad na mene naleti oni ko me ne pozna, si pomisli da sem il nor il pod gasom. Ipak nekaj malo vidim i prokužim. Nekaj čujem, al mi jeno vuho zaštekalo, nekaj dodirnem, nekaj dodirne mene .... Imam i beloga štapeka vu torbi.
Normalno čitanje mi je nemoguća misija. Jedino na kompu, sa velikim fontom, morem prepoznavati slovo po slovo. Malo mi je problem slova pronajti kad pišem. Znam di je koje, pa prstima brojim. Dost toga fulam, pa moram sve to prekontrolirati čitanjem. Sve to traje i zamorno je. Ideja kaj me vlekla k pisanju, se tak ohladi i piše se pomalo već i bez čari.
Odavno sam volel razmišljati i istraživati z misli. Tu je ono drugo. Pisanje je presporo za takve misli. Čovek obično zaključiva, al ja to ne delam. Zaključek zaustavlja misli. To ne volim. Pustim ju da ide dalje, al z vremena na vreme ju zaprosim da ne melje bedastoće. O svemu tomu nemrem i ne stignem pisati.
Pri 'razmišljanju' zapraf vrtim nekakve slike vu glavi. O tomu bi trebal crtati, a ne pisati.
I tak, lepo, se ohladim. Dojdeju mi lepe i zanimlive misli i projdeju. Zna bit tak zanimlivo i lepo, da bi ih rada podelil z vami. No dobro, nis jedini. Pa se i vami lepe misli vrtiju. I tak kad mi tak od nekam misli take dojdeju, im se poveselim. Neke mi pokažeju neke za život važne stvari. Im se zahvalim, kak i Onom od koga dojdeju. Če treba ih i dalje pošiljam. Znalo me negda srditi kaj me puno njih ne razme. Ni potrebe tomu. Zakaj? Zakaj da misli rivlem dalje? One su svuda oko nas. Ko ih je spreman razmeti, ih bu videl. Je, tak je. Ne mora im ih niko reči. Su vu trave, kamenčiću, potoku, povetarcu... vu svemu. Tak je sa svimi spominjati se moći. Oni kaj ne razmeju bi rekli da ste nori. A, kaj im morate o tomu pripovedati. Oni kaj to razmeju, buju vas prepoznali.
Ma bum z vremena na vreme nekaj tu del. Vama kaj ste kak cveteki. Naj vas radost vu životu prati. 'Otprite oči' da bi lepotu videli ... :)
Post je objavljen 13.07.2015. u 14:23 sati.