Marketing
Došel je… ipak ….
Znal sam ja da bu se to tak skončalo.. Of beli prhlivec se je razpojasal kak Turčin v Bosni.. pa zdaj sere gde stigne.. Prha bogmeš i to fajn.. A ktomu mu i veter pomaže.. vrabec ga dal.. posvud ga nanese.. čak mi je i vuho napunil… Zdignem ja vjutro tikvu z vajnkuša.. gledim čez oblok.. vse je belo.. a pada i pada.. Maaa..kaj.. treba ostati spodi tuhice i prespati barem do podneva.. Pa kaj bi človek nekam po tem vremenu išel.. Al bum brus spal.. one ralice kaj snjega prtiju vsakih pet minut ružiju po vulici..kak da Šerman ide.. Jeee.. mora bit vulica čista.. kak bi drugač avtobus pelal.. a još ktomu z drugeg kraja moje vulice je i velki breg.. Ništ.. pem i ja jenu rundu dvorišče strugat.. Dobrih triftal vure dok sam vse to belo srajne na ogromnu hrpu nametal.. No.. zdaj dok sam još zagrijan.. se reče..na radnu temperaturu..ha .. pem se malo i sprešpancirat .. a doklem.. to bumo vidli uzput..
Kak stvari stojiju.. a nikak ne stojiju dobro.. of beli pada vse bolše.. veter ga tera na vse strane.. prafzapraf.. nit ne vidiš kam hodiš.. Kakšni si ti bedak.. pripovedam ja sam z sebom.. Pa kaj delaš vani kak da si cucak brez gazde i hiže.. .. I posluhnem ja samog sebe.. razmeš.. oni spametni pri meni je nadvladal oneg bedastog… I hitim ja z same meje na Kustošiji.. zajdni pogled spram Zagreba Grada.. kak se vidi.. nit tam dalko v Metropoli ni nikaj bolše neg je tu na provinciji.. Pem ja nazaj.. Uzput bum si kupil cajtunge i pereclina v pekarnici.. Čuj.. ima tu jena mala pekarnica.. takšni fini kruhek delaju.. malo gde buš takšneg našel.. Al ti moram kazat da tu delaju i perecline..znaš.. one slane.. ti vrapca..al taj pereclin je velki barem pol metra.. Al pekarica kaj tu prodaje ti je jena posebna ženskica.. Maa.. je.. simpatična je.. lepo se po domaći spomina .. vsakom se nasmije.. Čuj.. ima žute lasi.. i obrve su joj žute a i trepavice.. a bogmeš ima i žute brke.. Al.. važni su pereci ………
I tak ..prtim ja polahko spram svojeg domeka.. nebum denes čak nit Mađarici prešel.. nekek mi se neče.. gdo bi slušal te bilmeze i nijhovu politiku.. Lepo bum si domeka sel v svoju fotelju.. i baš me briga za celi svet… Noo.. sam si ja to lepo zgruntal.. al kaj.. gda sam stigel pred svoju hižu.. jebal ga vrag.. pa kak da nis pred jenu vuru vseg oneg belog polizal i pojel..kaj je to lepo rekel naš gradonačelnik.. oni dotepenec z bregof.. Zbilam.. ovak to nema smisla.. Ništ.. buju pereclin i fotelja malo pričekali dok ja znova vse ne postružem… Uuuuh.. jebeš lopatu.. a znaš kak je velka.. Mamicu mu belu zmrzljivu……….
Serbus…
Post je objavljen 06.02.2015. u 17:58 sati.