MAŠKARANA DJEČIJA POVORKA U CRIKVENICI

Marketing

Ca je to Grad i Turistička zajedinica?, više se puta pitamo i ka je to njihova vridnost. Jeli oni tribaju služit narodu, ili narod njima? Pa da vidite kako ne tlapim uzalud na ovome blogu.
Ovde u ovon Primorskon kraju di živen, svakodnevno se uvjeravan kako to triba služit narodu.
Svi elektronski mediji veceraska su donili vijest o prvoj karnevalskoj Dječijoj maškaranoj povorki ka se oderžala u Crikvenicu. Ni bilo druge, nego parićat se i Matea povest da vidi svu tu mulariju ka će bit u povorku. Naravski da će bit i naši Dondolaši, a on je infiša u to. Da stvar bude gora i mater mi je popizdi sa tin Dondolašima, pa mu išće kožicu od janjca po Pagu, ca je malo teško za poverovat, ali je istina.

Lipi zimski dan koda je proliće. Meju pervima smo došli u Crikvenicu, pa se mislin da neće bit svita. Kako je vrime više pasivalo tako je i svita sve više bilo. Nima se više mista di parkirat. Bože moj koliko je judi došli?

Pozivam Paškog Gradonačelnika i svih ki lavraju u Turističku zajednicu da drugi put dojdeju na seminar iz puno toga ca se moglo danaska vidit. Pervo bi se lipo proveli, lipoga svita nagedali, a onda usput ucili kako zaradit Kunu od karnevala. Kako su svi bili zadovojni, i judi ki su došli i svi oni ki su pružali svoje usluge, od kafića, do onih ki prodajeju baluni i trumbetice, sladoled, ca se cudite?, bomboni, čikulate i da ne trošin više ovu tipkovnicu.

Racunajte da je bilo trinajst grupa, a svaka grupa ni imala ispod dvajset učesnika, to znači da je samo njih bilo preko dvi stotine. Ni bilo roditelja ki ni doša vidit i slikat ili snimat svoje dite. Dva roditelja to ih je još cetiresto. Di su nane i dedi. Koliko nas je bilo ki nikoga nismo imali u povorku, nego smo došli onako iz zabave. Koliko san prijateja iz Rike criti. Nisan ni sam moga verovat. Moga bivšeg igrača Zameta sa diteton i ženom ka je sad pjevačica u Denis & Denis.

I da ne mislite da je ovo kraj. Sva ova dica će poć u Opatiju kada maškarana povorka bude tamo i na kraj u Riku u najvećoj diteškoj karnevalskoj povorki u ovoj zemji. Niki ne žali ni truda ni šoldov, samo da dica budu zadovojna.
Današnju povorku je doša popratiti i meštar Toni ki je glavni promotor riječkog karnevala sa svojon krajicon u odlasku, jer tek triba izabrat novu.

Centralna priredba se odvijala na Trgu Stjepana Radića u centru Crikvenice, di je svaka grupa na svoj specifičan način se predstavila.

I da dalje ne tupim evo ca su u svoj obavijesti organizatori porucili:
- Nakon povorke će se u maškaranom šatoru nastaviti zabava uz grupu Trend. Organizatori podsjećaju i na Veselu maškaranu škrinjicu, gdje posjetitelji mogu pronaći brojne pogodnosti za vrijeme maškara, poput smještaja, posebne ponude hrane i pića te popusta na razne proizvode i usluge. Detalje o lokacijama zainteresirani mogu pronaći na www.maskare.net i Facebook stranici Maškare Crikvenica ili osobno u Turističko-informativnom centru Crikvenica (prizemlje Hotela International).
Pa ki voli nek izvoli, a evo kako san ja to vidi okom moga aparata. Uživajte.
- Ovako je pocelo