Moj nono je ima pegulu
ostavija je nonu ko udovicu
ni puno portala aš je pija
muški u životu joj ni rabija
ni takov ni bolji
sve još vajk sama učini i stori.
Nono s mora je bija ko Herkul
Pasa je kroz "13 zadataka"
pun štorija iz života i smiha
oko sebe ljude je okuplja
nikad srdit ni tužan
uvik mudar i raspivan.
Nona s pletenicon oko glave
posli svakega obida molila je
nikemu falilo niš nije
sidila je na vrh skalina
i držala 13 kantuna.
Moja mama s puno ljubavi kanta
od njih 13 ona je bila najmlaja
voljena puno je svima dala
najbolje kuhala ka Nadalina
još nas svih liči i uveseljava
sa molitvon i pismama.
Tata je mlad bija buntovan
volija je klesat, svirat i puno čitat.
Sve će za fameju dat.
U duši roker i morski i kopnen
i ozbiljan i u šali
Dalaj lama smo ga prozvali.
Zbog svih njih takova san ja
klesan sriću, trčin i kantan
morska i gorska, volin sve provat
pisat i mučat, iskat se i zalutat
vajk doma sritna tornat
delat na onemu ča moren kambjat
drugo će kroz mene pasat
a u meni vajk jubavi ostat.
Post je objavljen 18.09.2014. u 21:45 sati.