Marketing
VELIKO FINALE 31. RIJEČKOG KARNEVALA
Da Vam malo slikamin prenesen del riječkog karnevala. Bi san dvi ure od leroja da pošpijan kako to izgeda ovo godišće.
Svitu moj to je za neverovat. Koliko maškar, koliko alegorijskih kola, koliko lipoga svita, mladosti. Od svuda radost, pisma, šušur, veseje. Vino se toci u potocima. Naleti san na puno prijateja ki su maškarani, i oni ki su službeno na karneval, kao novinari ili fotoreporteri.
Slikali smo jednoga zvončara kome je mat paškinja:"Grujicinka". Sve to, sa Mateon na rukamin. Prebi san se, ali se vridilo žrtvovat.
Uživajte !
Povorka je partila, pun ih je Korzo.
Kinezi na Korzu.
Ne more pasat bez druga Tita i drugarice Jovanke.
Nogometne navijačice spremne za svjetsko prvenstvo.
Talijani sa bubnjevima i bandirami.
Mateo sve zorno prati.
I Crnogorci su došli.
Dom umirovljenika Kantrida, svu forcu su dali. Koliko će ih sutra bit kod doktora?!
Morčići su zaštiti znak Rike.
Silazite sa balkona.
Na rivu je ludnica od mašakar i brodi raznih tajkuna.
Di je pobiga Vidoševićev medvid.
Majko moja Isusova koliko je mehanizacije ovde.
Ne more pasat bez njega i njegovog otoka odmora. Sada bi tamo poslali hrvatske tajkune da se malo odmoriju.
Svaki put naletin na nekog od fotoreportera Novog Lista sa kima se srućujen na sportskin terenima.
Mateo na traktoru.
Grad od lego kocki.
Ka lipota, ka beleca!
Ili ovako sa kjunima.
Izgubi je glazbu.
Sa neke druge planete, na ričku rivu.
Morski konjići, lipo ih je vidit.
Tu su i naši Labinjoni.
Mateo sa prvim rukometnim prijateljima.
Ca će pingvinić ist, nego sardelu i to friganu?!
Svih nas je versti. Mašemo i mi Tebi.
Ki su to dva na provu "Kitanika"? Komandant Milanović i prvi časnik palube Linić.
Pukla joj je kalceta.
Čovječje, daj naljuti se!
Ni lokva nas ne more smest.
Ca ciniju maligani?
Zametski zvonačri na rub rive.
Troglav zmaj: Josipović, Milanović i Pusićka.
Bilo je tote i kauboja.
Šareni konjići.
Istjerivači dugova sa svojim vođom.
Sve bliže smo proljeću.
Oganj se parićiva,samo neznamo ca će se peć.
Zametski zvončar, paški unuk, uruke derži još jednoga paškoga unuka.
Zamolili smo da nas slikaju: zametski zvončar i rukometni sudac, otac i sin.
I ja ću biti zvončar.
Jedan od voditeljskih parova, dragi sportski prijatelj Robert Ivanović.
Delta puna mašakr i naroda.
Delta kercata autobusov od svih stran, koliko će se danaska trošit u Riku.
Rika se budi, i teško je ovakvu sliku vidit usred radnog dana u Riku.
I na kraju kada smo hodili doma, stigli su i grobnički "Dondolaši".
Judi moji ja san od svih mogućih slik koliko san slika stavi ono ca san misli da je najinteresantnije. Da je bilo ostat do kraja, malo bi mi bila jedna kartica od 8 GB-a.
Verujen da ni u Pag neće bit drugacije.
Post je objavljen 02.03.2014. u 17:54 sati.