Marketing
KARNEVAL
Došlo je i njegovo vrime
Kad je doša izvršit svoju građansku dužnost
Doša je zaminit gradonačelnika
I preuzest kjuče grada.
Sada Kerum i ne treba na sastanke
Tote je krneval.
On će boje upravit
Jer će njemu doć teška optužba..
Neće radit ča ga je voja
Ka naša vlast do sada
Ovi treba pazit ča čini
Jer će mu tužit za grihe.
Pa i za tuje grihe od svih
Koje imalo poznat i na nikoj funkciji..
Naš krnjo će platit
Za sve nerede i dugove
Koje su lipo uređene u SABOR-u.
Bože sačuvaj
Jadan naš Krnjo!
Ostavit će on tastament,
A isto će ga zapalit.
Ča se je ufati take obaveze,
A grad samo če se ne uništi....
Ima puno tega ča nevaja
Slabo se je radilo
A sada se radi
Bar sud stalno šaje ovrhe i tužbe.
Malo je kuna u gradu,
Pa triba to nadoknadit
Glavno da se malima uzima.
Pa judi još dobijedu penzije.
A tek na Zavodu za zapošljavanje
Triba se svaki misec javjat
A posal će se nać
Bar svojen ditetu.
Ima još papirologije koja se mora ispunit
Tote se gubi vrime.
A sada će se i dokumenti
Morat minjat za Evropu.
Stvorit će se još posla
Koji se zove:-bez veze-
I vrtit ćemo se u krug
Do gorkih suz na kraju
To bi sve moglo past
Na pleća Krnevala.
Ča me gledate?
Ča ste se ukipili i poplašili
Čuvajte ga od zlih judih
Da ga suska banda
Nebio osudila grubo na smrt
I zapalila ga,
A nas ostavila da plačemo
I naričemo za njim...
Post je objavljen 26.02.2014. u 00:18 sati.