Marketing
DA SE NE ZABORAVI - AFITANCA
Lito je pred vratima, ki je ca pomuza je pomuza, pa je red svitu podilit afitancu. Ca je to afitanca? Odkuda ta beseda?
Ta beseda dolazi od talijanskog govora kako i mnoge besede ke duperamo, od toga nama najbližeg govora, ako ih još ki dupera.
Glagol affittare ili unajmiti, dati u najam, je beseda koju u Pag duperamo, kada zgotovi mužnja.
Afitanca je dobit na zemju ka se cobanima daje za ispašu ovac. Afitanca nije najam, nego dobit od najma. Afita san livade, da bi dobi afitancu u siru ili janjetini.
Mi u Pag recemo: afitali smo komore i koristimo tu besedu u turizmu, ali ne spominjemo da je afitanca dobit od turistov.
Jednako tako ima beseda koja označava kada smo bili u najam: "Stali smo na fit", ca oće reć, da smo bili podstanari.
Zato ovaj talijanski glagol u Pag ima više značenja i različito ga se tumači.
Afitanca je definitvo dobit od afitavanja. Sve ca damo u najam, dobit od toga je afitanaca.
Cobani su imali miru i jušto se znalo kolika je afitanca za površinu zemje ka' se afitala. Koliko se dobiva sira ili janjetine za afitancu. Afitanca je bila robna razmjena.
Judi ki nisu živili u Pag, a njihove livade su bile afitane, cekala ih je njihova afitanca. Ni se dogodilo da čovika ni docekala njegova afitanca.
Nas će na našu glazbenu afitancu ove dane sitit naša klapa "Sol", ka ove godine na putujućem festivalu MIK-u, piva pismu: "Afitanca". Vidit ćemo i pratit ih koliku će afitancu bodova uvatit za konačni plasman.
Puno pisme, puno gušta,
Bokun sriće, tanka bušta,
Sve je ca me je dopalo.
Bez kuverte i fundamenta
Slidin put od šentimenta,
Pun kuraja naprid plovin.
Jedino za čime žudin,
Da uz tebe se probudin,
Da nas grije isti komin.
MOGA BI KALAT IDRA,
SIDRO U MORE SURGAT
KAD BI TILA MI KOMORU
U SVOM SRCU AFITAT.
MOGA BI VEZAT CIMU,
BROD ZA RIVU ARMIŽAT
KAD BI TILA MI KOMORU
U SVOM SRCU AFITAT.
Post je objavljen 18.06.2013. u 19:23 sati.