Marketing
Gremo se banjat!!!
Lito je lipo, ali i smišno. Pogotovo kad se gre popodne na more kupat. Napunu se borše s vodon i spizon i na more. Još puni drobi od obida skačemo u more ka dupini za srdelon i guštamo u moru i suncu. Kad nan dosadi gremo pod bor u debeli lad. Otvorimo boršu i udri po spizi, ka da se nismo okusili spize misec dan. Napijemo se vode oli soka pa se izvrnemo na šugaman. Tako punoga droba zaspimo na suncu. Ali kad se potle nikog vrimena prenemo iz polusna eto muke. Po tila izgoreno ko da nas je pitura u crveno. Brže boje na noge i buto se u more. Ala gušta ka se tilo ponovo oladi. Ali ti gušti kratko traju jer va poć doma. A onda cilu noć ne moreš zaspat. Va se namazat sa ujem ili kvasinon. Pa kad te uvati san već je naveliko svanilo. Nima veze sve je to za jude. Jer neće to bit ni prvi ni zadnji put.
Ovo djelo je dano na korištenje pod licencom Creative Commons Imenovanje-Nekomercijalno-Bez prerada 2.5 Hrvatska.
Post je objavljen 26.02.2013. u 12:30 sati.