Marketing
Vridilo bi
CXV
Vridilo bi na vrime poć spat
vodit jubav a ne vodit rat
Jema u temu istine deboto
jerbo noć prilako pođe šoto
Počmu se šunjati mračine
iz svih kantuna i sa visine
oćedu mene budnu izvanpirit
i ne more mi tu pomoć špirit
vengo bokun tvog livog ramena
On užga bi svitlo od plamena
sviće jubavi Planile bi strasti
i sjene bi od tega morale pasti
ničice pod posteju prišon se skrit
E da moreš vavik uz mene spit
vridilo bi već u posteji bit.
Post je objavljen 14.05.2012. u 01:36 sati.