Je bilo minus sedan i tri štrike bure. Malo je škiljilo sunce, a malo prolića snig. Na televiziji su rekli neka se ne otpiru vrata ni okna, aš da je vani grdo. Čovika ni blaga ni bilo vidit, samo su dimljaki dimili. A dimilo se i spod postoli od pedesetak divojki i mladići ki su imali sriće da moru bit u Sutivancu tega jutra.
I tako su partili pobrat nove kontrole za svoju kolekciju. Ledeno vrime jenomalo je umanjilo forcu orijentacije, ali ni to ni poremetilo plane da se obajdu Sveti Anton puč, Stari jaz, Juranska i Matulinska pećina. Prvi su se tornali do podne i pol, ti drugi malo pokle. Niki ledeni, niki tepli, niki z mokrima nogami, ali svi z smihon na usti.
Jahalo je skuha šugo i fuže. Bira je bila ledena sama po sebi. Špahor se je ložija taman da se ne rastali. Ali dobro raspoloženje je ionako grijalo društveni dom. A kad su Moris i Gdin. Smeđi Cuker zavrtili cedeje i vinil ploče, drugo ni špahor ni rabilo pazit. Atmosfera je bila tepla dugo u noć.
Njih sedan teplih je drugi dan partilo na đir z bicikletami. Na ugodnih minus tri, partili su po boški do Barbana, na tepli čaj i krofne. Pak nazad do Sutivanca, na još jedan pijat fuži.
Škoda da je bilo tako ledeno, aš bi nan se bija još ki pridružija u novih trekersko biciklističkih avanturah. Ali bit će još prilikah, ni straha.
Fala svima ča ste došli i nemojte ča zamirit!:) Skupili ste pet stotin i kornar kun (540kn) za humanitarnu KITA-u.
Ne pozabite da nove avanture startaju treti tretega (03.03) u Motovunu. A u međuvremenu gre i Brtonigla trek za ko je ostalo još par dan za se prijavit.
Još jedanput fala svima ki su nan pomogli prontat sve za trku, da ne budemo lačni ni žedni.
Ana, Judita, Dado, Loris, Vili, Sandi, Davor
klikni za SLIKICE
REZULTATI:
1. Bezimeni tim/Sam2 - Goran Čertanc, Dalibor Kalčić - 12:25
2. Trickeri 1 - Mauricio Križmanić,Senad Hodžić - 12:45
3. Sibirski Tigrovi - Goran Miličić, Luka Odović - 13:10
4. Dva suseda - Toni Medančić, Elvis Licul - 13:20
5. Vlasta goz tu Majami Bic - Vlasta i Marko Mastrovic - 13:23
6. Adrenalina - Kristijan Zrinić, Siniša Božičković - 13:30
7. Sam - Igor Kiršić - 13:35
8. Da se najdemo na pol puta - Toni Družeta, Franjo Toić - 13:36
9. Dva Kitana - Predrag Nikolic, Vladimir Medica - 13:40
9. Albona extreme - Davor Zorko, Tino Smoković, Veljko Brajković - 13:40
10. Bez zaštite - Patrik Licul, Mikele Šugar - 13:46
11. NoWalkTeam - Rozana Veselica, Igor Bukarica - 14:12
11. N&R - Nevia Novak, Roberto Brezac - 14:12
12. Analni osvetnici - Matteo Zec, Mauro Frančula, Filip Roce - 14:13
13. Mafra - Marino Roce, Franko Frančula - 14:23
14. D.O.G.O.B.G.Y.N. - Igor Vlatković, Marko Radman - 15:39
15. Ni piet ni šies nego sedan - Ana Orbanić, Roberta Damijanić - 14:40 - bez kt 1
16. Skip intro - Ranko Grković, Emanuel Radolović, Ivana Milošević - 13:29- bez kt 1,3
17. PERMAFROST - Dado Roce,Vily Medančić - 14:10 - bez kt 1,8
18. TBA - Sandi Cvitić, Martin i Edo Šugar - 15:25 - bez kt 1,3
19. Drugi razred - Gordana i Neven Šugar, Dogi - 16:18 - bez kt 1,7
20. Garbage warriors - Dora Tkalec, David Blažević, Judita Plazonić - 16:20 - bez kt 6,7,8
Juhuuuuu!!!!
Post je objavljen 05.02.2012. u 22:06 sati.