Marketing
SNIG
DA NE ZABORAVIMO ČA JE TUO !!
I tako ti nôs, onin odozgore, svaku toliko godišć zaspe snigon,
da ne zaboravimo da smo na bardoviton Balkanu,
a ne da mislimo da smo na nekin južnin muorima
Gledan jučer posolilo vrhove
pa govorin, ajde de, to je namin dosta!!
A jutros, gledon kroz jednu ponistru, taren oči..
pa gledon kroz drugu ponistru
Izojden na taracu
Barem mi nije zavolilo kapiju
A komšiji će ozepst parsti da bi se malo ugrijao
Gledajući ovako, pari Sibir
I jučerašnja slika je sada drukčija
planine su u oblacima, ko zna šta će nan još od tamo doć!!
Sad bi bilo razigranije da su vrata, recimo, crvena!!
Moja kala sva je bijela
Na auta se zalipio snig
a vridna domaćica čisti ispri kuće, dok meštar Tomo viri iz konobe!!
Vidi, vidi.....snig more poslužit da uvatiš muža/ženu di ide u šćetu!!
Mriže i brodi su pobilili, sutra ćemo tuć po fažolu!
Šta li su ovi sada našli kljucat?
A galebovi se umrtvili i pustili da ih more nosi
Još jedan pogled na panoramu mista,
da bi doma utvrdio propast cjelokupne poljoprivredne proizvodnje.
Za šelem i petrusimul ovo neće bit baš dobro.
Ali zato ovo godi vinoteki!!
Ajde da učinim đir okolo
Loza je obrezana i spava pa joj ovo neće škodit
I trim, ka medvid se ispružio.
Ne znam kako će oni artićoki ovo podnit
I masline je pritislo
Ni borovi ih nisu obranili od sniga.
Eto tako nekako je izgliedo treći don febrora dvomijoradvonajestega godišćo mojega molega mista!!
Sutradôn sniga već ni bilo!
Osan dôn posli opet nas "zasulo" snigon, ali vrime omeklo, sunce prosijalo,
i već do podne kao da ga nikad i nije bilo!!
Jedino sam uspio uvatit ova dva snjeguljka ča ih neko na brzinu naštampao!! 
Post je objavljen 03.02.2012. u 12:48 sati.