Marketing
Litnja fešta o' maškar u Mašogradu 2011.
Ka i svake godine, i ovo lito će nas mašogradske maškare, da ne rečen KPU „Kampanel“ provat malo zabavit na „svojoj“ litnjoj fešti.
Počeli smo sa ovon užancon na Gojači, nazad nikoliko godin, ali iz objektivni i subjektivni razloga smo se pripomistili na Mul, znate već onu baladu o oltaru i misi ...
Dunkve, dođite, povirite, najist ćemo Vas i napit za male pineze, a mislin da van neće bit ni dosadno sa nan ...
Pripremali smo se bolje od Hajduka, vridno smo trenirali ovo lito ...
... u bližoj i daljoj okolici, da bi zablistali na domaćoj fešti ...
Mislili smo i na one meju van ča su lovci na sriću. Bogata tombula će, virujen, i takove dobro zabavit ...
Dobro nan došli, u subotu uvečer, poza osan i po, na Mulu u Mašogradu!
Zdravi i veseli bili!
Post je objavljen 10.08.2011. u 14:29 sati.