Heidelberg, veljača '93 ili '94 (fakat niman pojma)
Draga moja podla sestro, Mirkec & Co.!
Dobila sam subotu vaša pisma. Normalno, Mirkovome čovik ne more da se ne smije. Stil je stvarno neponovljiv i nevidjen u povijesti književnosti hrvatskog naroda.
Inače, mi smo O.K.
C.T. je danas dobil švapsku vozačku dozvolu, samo je zajeb ča nima ni karijole, a kamoli auto. More vozit vešmašinu kad nan pride krajem miseca. Našli smo jednu dosta usku da nan stane va kupaonu (39 x 55cm), a i cena joj je malo uža nego drugimi. Inače su te male mašine skuplje nego velike, ali ova naša je koštala samo 900 marak.
Na poslu je sad malo manji pritisak, inače je pasani tjedan bilo zajebano, jer delamo sto stvarih va isto vrime. Barem smo se, ako niš drugo, rešili one ruske kurbice, sad je skroz na drugu stranu hodnika, a nadan se da će tamo i ostat! Ona je čisti dokaz da se i ovdi se da napredovat na osnovi "malog organskog nedostatka barunice Glembay Castelli".
Na vjestimi je Kroacien opet glavni hit. Bilo je već vrime da Francek preuzme inicijativu, inače su nas već bili prešišali Huso, Klincon i kompanija. Sad smo evo, glede i veoma opet Nr.1.
Tako mi je drago da je opizdilo ona dva (ili tri) Francuza. Ki ih je da je - neka ih je. Ča bi rekal Mujo : Kad ginu naši, nek ginu i njihovi! Šteta da ni bilo par Rusih pri ruki (ovo radi one gori spomenute, kad ju čujem kako reče : ih hab njihc gemaht - povraća mi se).
Danas sam baš kupila Večernji (niš drugo ne moreš ni ulovit, grr!) da vidin kako se Francek čmari Istrijanimi, ali san ga zaboravila va firmi, pa sad neću saznat "Ki smo, ča smo, kamo gremo i jesmo li tamo prišli?". Ali to se zna i ovako, čak i kamo gremo - u kurac!
Gušti su gušti, ma bolje me pušti!
Za rodjendan san zela celi dan slobodno, pa iman malo duži vikend. Zvali smo samo K&K, a Martinela se nikad ne more dobit na telefon, nikad ga ni doma, pa ako pride, ako ne, jebe mi se.
Inače, Martin će postat tajo, uhvatila ga je njegova femme fatale na sranju, pa će in na leto prit roda (Krunimire, dobili smo bebu!). Ako se da na nju, bit će jako inTELEgentni klinac.
Čestitke san dobila čera, samo mi ni jasno ka je ona pisma ča svira.
Od soldih ča mi je baba dala za rodjendan san kupila uru. Švicarsku. Jedina je fora ča je ura na navijanje, pa mi stane jer ju zaboravin navit.
Ča delaju Muka Isusova, Agresivac, novopečeni katolici, stric i kompanija? Tetac se sto posto maškara okolo. Kako bolan Š-ići, su dobili domovnice?
Evo toliko, niman van više ča pisat, nedilju smo se tako i tako razgovarali kvarat ure.
Puno puno vas sih voli
I.
Pusa!
Ja ne moren više tako
ja ne moren bez nje
ja san bolan, ja san munjen
nek me uzme vrag ko ne...
Post je objavljen 24.07.2010. u 07:39 sati.