Pregled posta

VELO ŠETEMONA

VARBONSKI KRIŽ

Ovo je vrime od križih i blagoslivjonjo grančicih od masline
i evo jedon muoj uradak za moje prijateje s bloga.



A onda i prolaz, kroz našu crikvu, varbonskega Križa u procesijunu, ča se zove "ZA KRIŽIEN" , a koja ceremonija je upišena na UNESCO-vu listu nematerijalne bašćine svita uz još jednu iz muog konfina (čipke od aloja) i s tin smo Harvosku stavili na četvorto misto na tuoj listi!!



Varbovaški križ je išo ća i sada se čekodu drugi križi koji ćedu
dohodit svaku uru ipo, dvi, jedon za drugin.
I dok se čeko ne more se cilo vrime stot u crikvu i molit Boga.
Vajo izoć na šematuorij i zafumat!




Original Video - More videos at TinyPic

Ovuode je somo zvučni "letrat" specifičnog pivonja "Guospin plač"
(zvučni zapis traje 16 min)


Ovo hi!
Kandaliri naprida i onin ča nin svitli s feloruon.




Za njima križonoša!




Pok ondar kantaduri i oni s felorima.




I ostoli svit.




Nojprin se učini jir okolo crikve.




I evo hi opeta iz druge bonde.




Grie se naprid na glavna vrota




I s Križien prid oltor.




Judi se rasporedijedu.




Križ i kantaduri u parvi ried




Felori malo nose




i okolo ostoli svit




I kuo to govori da u crikvu griedu somo store žene??




Pivonje se atiento slušo i kad je potriba otpivo!




Onamo u svieti Lovrinac je glavna štacija,
a Guospa čeka da i ona duojde nared.




Križ svitli u nuoć, a u puolnoćo manje kvarat




Guospa čeko Križ.




Dohodidu iz sv. Lovrinca!




i somo Križ s kantadurima introje unutra




a pratnja sa kandalirima i felorima čini špalir ispri vrot.




Pratnja i svit čekodu ispri crikve dok unutra kantaduri otpivodu dvi štrofe




i posli piet minutih



Pogled na špalir iz bonde




i u deset do puolnoćo već su portili daje put Jiese,
a svieti Lovrinac čeko svirčonski, po vrisniški, po pitovski Križ.

I tako do ujutro, kad će i ješonski Križ pasat meni pod ponistru
i probudit me, kako i svako godišće, sa gromoglasnin pivonjen sentience:

ZDRAVI I DOBROSTIVI ISUSE! ZDRAVI I DOBROSTIVI ISUSE!
ZDRAVI I DOBROSTIVI ISUSE! .....................................................






Post je objavljen 09.04.2010. u 18:45 sati.