Marketing
Čerašnja subota.....
Čera su va Domu kulture počeli maškarani tanci, ulaz je badava. Sopu TREND i Joso Butorac-Vivak. Organizator se potrudil i pozval nekoliko maškaranih grup iz okolice da bi malo podigli štimung. Tako su bili dvi grupe iz Senja, između ostalog "Samba ispod Volte", drugu nis zapamtil kako se zove. Bili su Maškaroni iz Ledenic, nekoliko domaćih maski, itd.
Ali se to ni niš, jer su mladi si pasali va Crikvenički šator na LOS CABALEROS. Tamo je bil pun štimung, maski koliko oćete. Osjećaj je ko da ste doma, jer je Novljanih bilo jako, jako puno. Bojin se da će tako bit i se ostale tanci, va Novon prazna sala a va šatoru pol Novoga. Kad se mladi naviknu da gredu dalje na zabave kadi sopu i pivaju poznati, teško se vraćaju na pisme od prije 10-tak ili više godina
Po ki zna ki put dolazi se do toga, da se sa tancimi mora krenut valje iza Tri Kralja i to sa nekin poznatim jer inače ne gre.
Malo iz Novljanskoga Doma kulture
Post je objavljen 24.01.2010. u 11:13 sati.