Kak sam na ovom svetu za sebe doznal, sam se trudil skužiti kaj to sve je. Kaj se to dogodilo da je to tak; da jesam; ja? Mi sa vremenom postalo jasno da taj osećaj da sam tu i da imam tu čast biti, ni samo tak. Duboko sam osećal da to treba biti da sam bil i prije, makar v crne rupe. V sebi nosim ono da niikaj nemre bit samo tak, nek da sve nekak je u promeni. Se mi tak sve to postalo pitanje svijesti.
Kad se spomenem svijesti, mi se javi viđenje mogućnosti da baš i ne vidim najbolje kaj to je. Zakaj bi svijest bila vezana za mene, za moju spoznaju sebe? More biti to i krivo, i da je to samo del jedne veće istine?
U početku su to bile neke slike i osećaji. Ni bilo razmišljanja. Nekak sam zapamtil da je svetlo tam, toplo od tam, kak dojde nekaj za pojesti. Stvari i događaji su dobivali na širini. Nekak sam videl da je dost toga povezano. Ono 'sam videl' mi je bitno. Nisam mislil nek sam videl. I danas sledim taj put. Uglavnom vidim. Imam neke predodžbe. Slično je kak i ovo kaj je zapraf. Sse neke slike dogodiju v meni. To je ko kad dete vidi hranu i sprema se jesti. Počinje mu lučenje žlezdih i svo se sprema za proces hranjenja. Kaj je tu razmišljanje? Nikaj. Sve je tu u jednoj harmoniji i v svake točke je izraz onoga Kaj je bilo i kaj bu. Sve se menja, al traga ostavi. Pitanje je samo kolko naša svest je toga svesna. Sve je celina i opstoji ono kaj je priznalo celinu i deluje u skladu sa njom. Kaj je to nekakva komunikacija? I više od toga, jer se tu ide otvorene ruke, a eventualna misao bi mogla to samo pokvariti tek. Dokazivati da celina nema tu moć je kak oditi u poništenje samog sebe.
Baš lepo! Znači videti je pravilnije nek znati. To pak znači biti svesno v celini. Jel vas to podseća na nekaj? Na nekaj kaj su vam pripovedali, a ni vam bilo jasno. Rekli su vam da verujete, jel to je istina. K tome se more dojti i na druge načine. Ak nekaj je za zbilja, zakaj bi se to vidlo na samo jen određen načim? Tak je i z Bogekom. Neki, nazovi 'učemi', bi rekli da se mora to i to delati tak i tak. Veliju da se Bogeku mora moliti tak i tak. Pripovedaju i ponavljaju reči kaj je neko negda rekel i da je to snaga i moć. Bogek moj dragi, oni bi Tebe zameniti šteli. Moreju me strašiti kolko hoćeju, al ja samo Tebi verujem. Ak veliju da nemrem k Tebi nek samo po njihvom, onda oni ne veruju u Tebe.
Puno toga v živlenju sam z slikami rešil. Sam videl, a su rekli kak dobro mislim. Nisu videli da ja to gledim.
Kad sam tak rekel, kak je gledanje prava stvar, bi radi rekel kaj vidim o živlenju. Kaj čovek je i kaj se to rihta sa svetom? Štel bi reči kak oni polupismeni vodiju ovo na neku čudnu stranu. Štel bi reči kak za svoje sitne probitke sve uništavleju. Štel bi reči kak je vreme da svi vidimo kaj to je i kak neki to zlorabiju. Da ne preteram v ovom postu, naj to bu za sledeći.
Znate prijateli moji, svakaj nam moreju pripovedati, al istina je istina. I ja bum pripoovedal, al samo zato da vi sami vidite. Moje pripovedanje naj bu kak cvetek na livadi po katerem bute nekaj odjenmput razmeli. Prave stvari, prava otkrića su odjemput, kad se lampica upali i kad, kaj da vam svetlo dojde. To morate sami napraviti. Ja vam samo šansu dam da bolje i lakše vidite. Znate, brod nemre po suhomu, al ak vode bu, bi mogel. Vam bum samo vode pokazal, a vi zaplovite. Morti se najdemo negdi na pučini i radosno, kak brat bratu, mahnemo..
Svako vam dobro i radosti puno, kaj živlenje je veliki dar i sve vas volim … :)
Post je objavljen 01.12.2009. u 12:16 sati.