Svakaj mi se po glave mota. Doleti od nekam, a ni sam neznam od kam i zakaj. Je to kak neki meteor. Vleti tak misel, a nis je očekival, a je ispalo kaj da jes. Se pitam kaj to očekivanje je? Pogotovo pri mislih.
Tak najemput sam sam sebi zgledal kaj ona mala drvena kućica za ptičeke. Kak koji ptiček doprhne, se obrne, čvokne kakšnu mrvicu, a tam navek nekaj dobri ljudi deneju. Se mirno zagledi v daljinu, i kad si mislim kak je to nekaj važno, kak da kuglicu spusti otraga, se nakostreši i stepe, pa odleti, kaj da niš bilo ni.
Tak i z misli je. Ja sam pak navek tu, kak hižica drvena ta.
Kak mali sam grintavi bil. Tam kam jedva sećanje moje dojti more, me griža vlovila. Ni to bila ona obična, kaj se dete sprazni do kraja, pa se nekak zvleče, nek krvava. Sam tak sve z sebe, onak malički, zpumpal, skup z krvi. Kaj mali prst skor sam zgledel. Su mi posle mamek i tatek pripovedali kak im je teške bilo. Je ni lekof bilo i su se već zmirili z tim, da se Bogek odlućil maloga zeti. Nis niš jel, kaj ni išlo.
Su moji, ne dugo prije, bez moje sekice ostali, i im zgledilo, da im Bogek veli da su se krivoga posla prijeli. Tatek je već nofčeke zbiral za sanduka nabavit. Praf. Tak je tatek povedal. Mamek još suzih za sekicom ni zbrisala ni. Sam kak mali zida jel, pa zemlu, a zmazano je bilo. A kaj sam ja, bogec grintavi, znal.
Me bakica zvlekla. Kak medecine ni bilo, se setila kak drenak zapre. Je rekla kak malomu treba zapret, da krv bar ostane. Morti se dete onda zvleče? Me kak gusku šopala. Nis štel gutati, al je z prstom rivala. Gda se za života bori, nekaj se mora napraviti. Ni misliti kak to ni lepo. Fala bakici, a je već 52 lete ni tu. Zastavilo se.
I tak si sad razmišlam. Grinatvi projdeju dost toga, kaj oni jaki pojma nemaju da je. Grintavi sve nekak bolše čutiju i razmeju. Im je normalno da ljudima teško je . Znaju i osetiju to. Oni jaki samo ideju i ne vidiju o čemu se dela.
Sam videl kaj znači kad mamek plače. Je za sekicom, a onda i za menom. Gda me kasneje na kolena deti znala, mi pevala tužne pesme i navek bi na kraju plakala i zagrlila me. To duboko v srcu ostane. To se ne sluša kak ovo žlabranje, di sve jen drugoga vtopili bi vu čaše šteli. To se vidi srcem.
I tak, kad vidim jadnika popišanoga negde v čošku, kaj da vidim dečeca kaj je grintavo na krivo zašel. Znam da me razmeti nebi mogel, al osetim kak vu meni nekaj zadrhti. Znam da je to jen mali kojem mamica ni tu, a ni bakice ni tateka, ni dedeka mu ni. Morti ih već i ni. Gledim ga onakvoga skutrenoga kak spi, popišan i pijan. Nekak Bogeku se obrnem i probam videti kaj to je. Još nis počel bokce okupljati, al lepa reč, če me vidi, more pasti. Peneze mu ni za dati. Bi v čaše završili. Čovek sam sebe pela črez živlenje. Kak da mu velim da tak ni vredu? Oni, kaj birtije držiju, takve delaju. Oni nofčeke brojiju i grintavi nisu. Su jaki i napred ideju. Se samo pitam: 'Kam?' Kaj bi mi rekli, gda bi im rekel, da ni dobro kaj delaju? Ne onu ženskicu kaj prodava, kaj sirota se morti bori za peneze za decu hraniti, nek onoga kaj gazda je. Poreza platiju i misliju da je onda sve to vredu.
Sve se oko penezi vrti, a sirotim grinatavcima Bogek ostane. No, ni baš sve tak. Se treba ne predati samo.
Vu glave grintavih je nekak malo drukše nek vu one jake. Nekak više osetiju i vidiju. Je med njimi puno je pesnikih, filozofih… Če ipak se nedaju samo tak, moreju zajti tan de malo ih dojde. Sveta moreju drukše gledati. Črez vreme bi videti mogli, kaj im ovo tak i ni nekaj. Peneze im ionak oni jaki odneseju. Zapraf za njih je to dobro, kaj se pokvarit nemreju. Znate, reka vu korito ide; razmete.
Naj misli letiju. Grintavci moji dragi, če me razmete, najte se dati. Niste sami i ne vas veter odnesel. Veter smeta jakima, kaj bi im peneze odnesel. Mi grintavi smo taki, da veter kroz nas piha. Kak nam gdo kaj zeti more, kad skor nikaj nemamo? Razmete kak to vredi? Če idete dalje bute vidli da sve je vredu. Niš se zgubiti nemre. Kaj po špagi sve ide. Oni kaj imaju, buju neimali. Če vam daju, bute znali da je to kaj ptiček, kaj je doletel se hižici malo odmorit. Naj ptičeki letiju. Razmete kaj je sloboda… ptičeka pustiti moći, al i dati nu mesta za odmorit se. To su sve sitni koraki, al z njima se put dela. Samo jen kamen ni put, al će je on jedan od onih vu putu, on puta dela i put bez njega nebi celi bil. Tak i na vama, moji dragi, svet stoji. Najte zlevati vu sebe da bi zaboravili. Zakaj, pa to, kaj imate da nemate, je bogatstvo.
Sve vas volim i pozdravlam … :)
Post je objavljen 27.11.2009. u 15:24 sati.