Puno toga neznam, al ne znači da toga ni, il ni bilo. I to kaj je negda bilo, je kaj svoje mesto vu vremenu ima. Bilo je i to za praf. To kaj se setiti nemrem, ne znači da ni. Ma i to kaj se setim, kaj to zapraf je? Je bilo; sam videl, il čul, i je nekaj ostalo od svega toga vu meni. Kaj? Se to i ja pitam. Veliju neki da to su tragovi. Pa, sve v nami su tragovi. Bogek dragi, pa i mi smo nekakvi tragovi. I tragovi su zapraf.
I tak z vremena na vreme dojdem na neki trag i se pitam kaj to je. Mi nekakve lampice vu glave blinkneju i krene priča.
Se tak pitam: 'Kaj bi mogel najti traga, kaj ga nis ja ostavil?' Pa ima ih dost, kaj su nam ih drugi rekli il pokazali. A, jel morem traga zmisliti? Zgledi da da. A jel more, takav zmišljeni, dojti na nekaj, kaj je zapraf bilo? Kak je sve vu naše glave, zgkedi da sve more biti. Da, al ono kaj je bilo vu vremenu i prostoru, je ono pravo, istinsko. Tam je bolelo, tam se smijalo, se bilo tužno i teško...
Je, pa da idem malo tražiti te trage vu sebi... trage kaj pelaju vu ona vrermena gda me još ni bilo ni. Z njimi dojdem, kaj da sem tam, vu onim vremenima starim. Tam di su bili oni kaj nisu znali za nas. Vidli su kak to ide nekam, al nisu znali da bum to ja il ti, al da neko bu, valda su znali. Pogotovu je tak bilo med ovim mojim starima, kaj su z malo maturo na sveta došli. Gdi su maturirali? To si morete mislit. Kaj sam i ja jen od njih? Če su mi dedeki i bakice ostavili kaj od toga, jesam.
Idem malo tam natrag prije sto il više leta.
Lepi Zagorski bregi; plodna zenlja; dečurlija; al brigih i posla navek. Ni bilo ovih napravih kak danas. Se oralo plugima kaj ga je konj il vol vlekel. Se pilo pravo mleko od pravih kravic. Se vu huste vrgajnje brati išlo. Hiže su bile z slamom pokrite. Blata po svugde, a se pralo vu potoku.
Vu vreme kad je moj dedek Frjnjo mali bil, se tek ajzenban dotepel v ove kraje. Su neki sreče imeli, posla pri njoj najti.
Svaka hiža je dosti dece imala. Ni bilo, kak danas, vakcine, pa je bilo i grdih bolesti. Se znalo, da Bogek dela tak i se molilo da nebu kaj hudega bilo. Je ni bilo retko, da bi dečec il curica k Bogeku prešli. To su suze mamine i tuga tateka bili.
I tak je mali Frajnjo na pašu z kravicama išel, pomagal na njivi, i gda bi mu japa kaj rekel delal.
Gda je malo porasel, je videti već bilo, da za sve ni mesti dost, za doma ostati. Kak su leta došla, da se o svom kruhu brinutui treba, je moj dedek punkleca na pleća del i z ajzenbanom vu Zagreba prešel. Su mu tam zrihtali službe. Je z njim i jena mlada cura prešla. Skup im je lakše bilo i su tak počeli vu velkomu gradu pred oko sto let. Kak je red bil, su oni familije zrihtali. Bakica Vjekoslava je doma bila, al ni dost bilo za živeti. Se ne sečam točno, al je taki i moj tatek sveta dočekal. Služba je dedeka odvlekla v Fijumu, a su se zrihtali na Sušaku, gde se tatek rodil. Je bil to početak grdih vremena Austrougarska je u rata išla. Na sve se strane stupalo i zveckalo. Monarhija je trebala novi poticaj, a z istoka su narodi glavu dizali. Promene su bile jake. Je tak sve v rata prešlo.
I pak se ne sečam dobro; traga ni. Sem čul kak je tatek dobil još sekicucu i bracu. Su rata preživeli i v Zagreba se vrnuli. Dedeka Franju je držala sušica i ga je dost mladoga Bogek zel pod svoje. Je bakica ostala z troje malih. Trebalo je skrbeti za male. Neznam kak, al službe ni bilo, nek je služiti trebala kod bolje stojećih. Tateka su baka dali na selo, gdu je do škole bil pri jednom dedeku. Sam pokojnoga tateka pital, kaj to njegov deda bil? Mi rekel da ni zapraf, al je bil to tak jedan dobar čovek. Drukša su to nekakva vremena bila.
Tatek se vrnul doma kad je v škole iti trebalo. Gda se vrnul i vu škole krenul je bil više bos nek obut; više lačem meg sit. Je gledil one bogate i site, a krulilo mu v trbuhu. Nije vu škole samo slova nafčil, nek kak je kad se trbuh stišće, kak je kad za svaku sitnicu na kuruze klećati v razredu moraš, kak je kad su dobri samo oni kaj imaju.
I sve kaj na špagi je išlo. Je dedek trbuhom za kruhom z bakom prešel. Je tatek siromaštva kušal i imal. Sam ja nekak se provlekel. Da, al znam da nikaj na svetu moje ni. Nikaj nemamm, kak nikaj ni moji pređi imali nisu. Ja to duboko razmem u sebi. Tak niti ne uzimam. Znam da Bogek navek zadnju ima i ja ju zet nebi štel.
Gledim svet ovaj. Kaj da svi nekaj imaju. Morti mi se to samo čini. Morti i njima. Za sebe znam da nemam. Tu i tam se po nekaj na mene piše. Veliju da se to tak mora, da je to po pravu. Pa i kad mi to 'zemeju' je po pravu, a ak ni, buju to nekak dokazai. Naj buju. Valda im tak treba.
A kaj imam? Pute kaj sam ih prešel i tragove od njih. Tragpvi su to kaj me vodiju u neka davna vremena. Bila su to teška vremna, ali i vremena radosti z napravlenim. Bilo je nepravdi, kaj se nepravda najbolje pamti. Bilo je i toga kaj se ne pamti. Bilo je puno više neg kaj se zmisliti more. Za sreču ni treba imati. Sest se vu travu i vu zvezde glediti, a misli naj ideju, kaj celi je svemir njihov. Toga je navek bilo. Danas se baš i ne stigne, a i nekak je nebo zamagleno. Se koji put pitam: 'Kaj je to 'ono dobro' kaj se delalo?' Tak su nam pripovedali, da se bolja budućnost dela. Kaj su stvarno tak mislili, il je to bila samo priča, da se smiri one kaj zadovoljni nisu bili.
Pustil bum sad vremena kaj su prošla. Jesu prošla, al u meni su ostali tragi kaj ih hititi nemrem, a niti neću.
Prijatelji dragi lepi pozdrav vama i volim vas ... :)
Post je objavljen 24.11.2009. u 12:30 sati.