Kad sam prvi put sveta osetil, pa videl, mi sve to nekak novo bilo. Posle sam se pital kak novo? Da bi nekaj novo bilo, je valda nekak i prije toga biti trebalo. Jel bilo, il nikak ni bilo? Kak more biti nikak?
Ti bigulicu, nikak da se pošteno zmislim. Ne vredi razmišlati tak kak ni, kaj onda to ni ni razmišlanje.
Kak more nikaj biti?
Kasnije sam se susrel z onima kaj su o istini pripovedali. Sam nekak si to protumačil, kaj su to oni pripovedali i od onda i pri meni se o istini pripoveda. Sam nasledil, a ni sam neznam, zapraf, kaj. Istina? Hm? Kaj bi to bilo? Kaj more biti i to kaj istina ni? Sve mi zgleda da se pak neko nekaj tu zmislil.
Da se vrnem na ono prvo. Bar kolko morem, se potruditi vredi. Mi zgledi tak. Če sam tam puta fulal, ko zna kam sam prejti mogel?
Da se malo zaustavim. Morti sam prešel nekam, kakti nikam. Morti sam tu il tam od navek. Morti nikaj drukše ni nemrem. Onak 'naučen', bi po istini rekel, da je to tak. A kaj ak ni? Onda bi moglo bit, da ni istina ni. Pa, kaj more bit, ono kaj istina ni? Sam puno put se tak vrtel kaj maček, kaj svojega repa lovi. Kaj da ne vidi, kaj dela. Ajd dobro, nekaj tu ni dobro. Zakaj uopće o istini pripovedam? Kaj da se bojim da nekaj ona ni.
Sam puno put čul kak veliju, da nekaj je laž. Čak sam čul, da je sve laž. Pa kaj je to laž? Veliju da to ni istina. Hm, pa ak ima laži, to je onda istina!
Sam se pak upetljal. Vite kak je to z tom istinom. Če počnete z njom, ste odma v laži. MI sve zgledi da je, tak, to posel bez veze.
I tak sam se počel zanimati z tim, da vidim kaj to zapraf delam?
Razmišljam! A kakav je to posel? To je ko kad mačak lovi svoj rep, a najčešće to ne vidi. On samo zna, da to treba vlovit. Kaj zapraf dela, vidi tek ak ga vlovi i zagrizne. Tak nekak je to navek.
Pa kaj, onda to ni dobro tak delati? Znal sam puno put tak se zmislit da sam obični bedak. Je, al i za to videti, se pomučiti treba. Taj kaj do toga dojde, se dobro z nmisli gombati trebal. Ni lako bedak biti, al onaj pravi, za sebe. Da vam, to drugi zalepi, je lako i to se navek dogodi. Sami do toga dojdite. E, to je već vredno. Bi rekel kak je to istina, zapraf. Pak sam na to došel. Baš kak pravi …, navek dojdem tam de sam počel, al malo više kakti znam. Sve sam nekak sigurniji u to poznavanje sebe. Sve više vidim kak krivo vidim. To je ono pravo. Znati da grešite je početak dobroga puta. Tek onda morete krenuti na dobro. Je, a kam? Kaj da velim? Kam?
I tak kaj bedak pravi stojim i se po glavi čoham. Gledam kaj sam to delal i kaj sam. Gledam i nekak mi dojde da se smijem. Ne onak histerično, nek z osmehom sreče i radosti.
O Bože, mene budale na ovom svijetu ljepote. Jesam u svijeta živ, ma i ovakav. Vi koji mislite drulše valjda još niste drauf došli. Valda?
Zapraf je pitanje, kaj to zapraf hoću? Sad više ni to neznam. Kak sam videl gdo sam, mi to nekak više ni ni bitno. Sam repa lovil. :))))) Kaj bi morti trebal nekaj drugo delati?
Se puno put setim jednog naslva jedne pesme i svirke nekih popularnih stranih dečkih, a nis bil od muzike. To mi je nakak ostalo v pameti, kaj mi se tak svidelo i obilježilo mi ono duboko v meni, a je bilo na emgkeski .. 'Like full on the hill' .. Koja dubioza, koje savršenstvo! Te riječi su me često nadahnjivale. I neznam koji su to dečki spevali, ma ni kaj su reči z tim šteli, al svaka ima fala. Z tim su mi kaj brati bili, a nemam pojma koji su i od kam. Pa kaj je bitno ko je od gde? Bili su onda oni neki strani sastav. Kak strani? Pa su bili to pavi dečki.
Dragi moji, sam tak do nečega došel. Da, al ni to tak, kak vam se morti čini. Najte na prečac. Ja sam za to debela leta dal. To valda nekaj vredi.
Je, je… kolko smo toga samo zmislili, a mislimo kak to za praf je tak! Onda smo se z tim zmišlenim ponašali, kaj da to je, i zmišlčali nove zmišlenarije. Smo tak celi svet i život skor zmislili. A znate kaj je tu najzanimljivije. To da onaj pravi svet i život ipak postoji, a mi smo se zaprli v te naše zmišlenarije.
Tak dragi moji, naj to bu za ovi put. Vas sve srdačno pozdravla i voli … znate ko … :)
Post je objavljen 28.09.2009. u 13:43 sati.