Marketing
Graditelj sopila..Marijan Orlić-Senkić..
Čera san zbog piskih, ki nan i inače trebaju jer lako pucaju ako se ne pazi na njih, bil na boduliji. Napravili smo par novih piskih za jedan par sopil, a za drugi par smo postojeće piski samo uštimali. I to jako dobro. Se va semu bili smo kod graditelja sopila Marijana Orlića – Senkića. Kad god pridete poli njega dobro ste došli, jer on jednostavno obožava društvo a posebno ako ste uz to i sopilaš tj. sopac. Va samom prizemlju kuće je sebi napravil radionicu za izradu sopil. Tako da smo malo po malo izgubili dvi-tri ure za uštimat sopile. Moran reć da san i naručil jedne sopile za sebe, i to od ulike tj. masline.
Vavik san imel sopile od šestila, tako da san ov put naručil sopile od masline. Same sopile od masline će vizualno bit malo škurije i vidit će se na njimi godovi, tako da će bit lipe.
Evo Van i malo slik ke san napravil uz Orlićevu dozvolu i moju obavijest da ću ih klast na blog.
Post je objavljen 19.09.2009. u 21:38 sati.