E, ščera mi je postalo jasno zač su se Binka i Jaca skoro pokefale za tepih u Banskim dvorim?
Slušala sam na dnevniku, kako je rekla naša kraljica da je sve u redu u javnim poduzećim da nima kriminli ali za svaki slučaj je zamolila Rumenka da joj sve malo još iskontrolira kako bi to bilo seguro.
Mije i ja gledali smo u televizor i ja sam prvo zanimila, nisam mogla ni glasa puščit nakon te rečenice, krenila sam prema televiziji i tila nogum zmahnit i raskolit je, al sam se u zadnjem času predomislela i sočno pljunila u njega, pa je baš na nečijoj faci ostala pljuvačka, zadnji bes jedne ogorčene Hrvatice, ka više nemore slušat te gadosti .
Kalmeta nas je lipo upoznal da je lopovi uvik bilo i bit će, da se oni boru protiv tega, ali Bože moj kaj se more, a kad se već nemore onda je Jaca ipak ostavila onaj lipi tepih da se pod nejga sve lipo dene, i izvn izgleda sve čisto ?
Mije je ostal isto bez teksta, digal se i podigal lače, jerbo mu dobro već spadadu, krenil je prema sudoperu i donesal mi dvi krpe, da to obrišem. Ni on ni mogal prozborit ni crne ni bele, naročito kad je Šuker išal objašnjavat kaj je to nelikvidnost i da to ni hir nego eto, Bože moj ni novac, a na tržištu novac sve skuplje …
Pa kaj jedan ministar od kase more prolivat takove gnjusobe narode, pa ljudi moji kaj oni mislu o nami, a morda on dobro i divani, jer to je baš pravo tumačenje za one ki glasuju za njih, a drugo ni nemore reč, jerbo kad bi onako pametan krenil tumačit kaj se dogodilo, morala bi Jaca i njega det pod tepih, a to je već malo teži slučaj?
Jaca se skroz na skroz sirota izgubila u vrimenu i prostoru, već me počelo brinit kaj je sa njezinum prosudbum, pa sve čekam, dok Bajić grunta ki je kaj zel a da se zna i misli kako sakrit oni kaj se nezna, Gospon doktor krene osnivat konzilij da prati zdravsteno stanje naše Jace, ali mislim da u vladi nima ni jednega psihijatra pa očekujem da će uskoro u vladu kooptirit kakovega Zoričića ili kega stručnjaka iz psihijatrije.
Jaca se ponaša prema vladi, tj misnistrim kaj loša mama prema ditetu kad donese jedinicu iz škole, najprvlje larma, potirat ću te, pojt češ u popravilište, neš dobit za sladoled, sredi te ocjene, a kad dite počne plakat ispade da je kriva učiteljica kaj je donesal doma topa, a mama kaj mama, onda to sve lipo zamaskira, malo pošpota učiteljicu, dene pod tepih i mirna Bosna. A jel mirna Bosna?
E ni i tamo su počeli trpat u kombi, a kad će pri nam ?
Naša se je korupcija prelila i u Bosnu i to putem pelješkeg mosta, jerbo za nju više u našoj Hrvackoj nima teritorija dost, sve je tako već ispremreženo da to nemore ni vrag a ni Bog strgat.
On Mravak opće ne misli o ostavki, jutros čitam, jerbo more on dost tega namazat dok svi ti Uskoki i ki sve ne pregledaju papire, konda moradu pregledavat sve, nek za prvu ruku zamu samo ono kaj su novinari našli, pa je dost a kašnje nek kopadu dalje?
Zač bi bilo ki dal ostavku, ne dolazi u obzir , izgleda da ima još tega, a ni ni to razlog jer su se dost navuki, neg kaj će bit ako isprića ki je sve u tem kolu učestvoval, a još je gorje ako projde u Bosnu, i kaj će bit sa Bosnum ako svi krenu tamo i ostanu tamo ?
Morat ćemo, ili mi ili niki drugi pronajt nekakov otrov ki će uspavljivat takove kriminalce, jerbo će Bosna postat geto, najbogatijih kriminalci Hrvati na svitu. Oko cele granice prema Hrvackoj naredit će kuću do kuće, tako da će se iz satelita činit da su naredili novo svitsko čudo a to bi se ondak zvalo: Bosanski zid od Hrvackih novac?
E da, Jaci su tako važni oni 1, 4 milijardi kun, da ne vidi onih Bog zna kulko pokradenih i uludo potrošenih, svaka je kunica sad dobra, mora se sabrat za penzije za pomoć Bosni, jer ako se krene u izvanredne izbore, neće bit vrimena za zaborav a dijaspora neće moć pokrit taj manjak glasovi u Hrvackoj, pa ih neće moć spasit ni onaj Firštić ni Adlešićka, a bogme niti nacionalne manjine u kolaciji. Firštić je šundral seljačku stranku za manje od godinu dani, a i ova Adlešićka liberale, tako da će drugi parlament bit bez seljaki. Lipo, ostat će 4 ili 5 stranki i dost, Oneg čovika kugle Đapica smo se rešili, još samo da dobi to rešenje za svoju krvavo zasluženu mirovinu pa nek ide i on u Bosnu i nek tamo kuka kako mu je teško i kako se u životu nadelal siromak za svoju Hrvacku.
Naš Ivica, još uvik se vozi po Hrvackoj, ni isplaniral kamo će pojt, sve mislim da je razlog temu bolest, pa mu je bolje da se nikud ne kreće, jerbo nima drugdi konzilija kaj tuj ki bi se brinil o njemu. Seguro je to stalna postavka , ali amo za njega. Za druge će Likota smislit druge konzlije, a na koncu , valja i za sebe mislet. Sa vlasti se mora uvik bit dobar i pazit da se je sačuva u dobrem zdravlju, jer takovu garnituru niki na svitu nima, jedinstvena je po svojem umotvorstvu i sposobna ukrast i zadnju lipu svojemu ljubljenemu narodu.
Nimam više kaj za reč, samo se nadam da će projt ove predstave po Ogulinu oko proslave Dana našega malega grada bez mene, jerbo nimam živci ić gledat kaj ni puno njih naše Begonje kako se šepuru po proslavam i feštam, ali sam vesela kaj će nagradu za doživotno djelo dobit jedan Vatrogasac, to je dobar znak!
Treba vatrogasce priredit, jerbo im se gadno dimi ispod riti, a kad tako tinja onda dolazi do eruptivneg požara, kaj ne ?
Ajte Bok !
JANJO, 5. rujna 2009.
Post je objavljen 05.09.2009. u 09:58 sati.