I navek nastane ono kaj nastati more. Se čovek zato pita: 'A zakaj je to tak bilo?' Si mislim da tak je i to pitanje nastalo. Da ni tak bilo, se pital nebi.
I tak si gledim taj događaj, kaj se menom nazivlje. Sem celi kak pitanje jedno i navek se nekaj pitam. Kaj da ne hodim z nogami, nek z pitanji napred idem. Zapraf ni neznam kam; morti i natrag. Pa nemam pojma gde je kaj i kaj znači to 'napred'. Za ono da idem dalje još bi nekak i razmel, kaj to bi bilo da više nebum tu, nek tam. A gdi je to tu i tam, pojma nemam. Zapraf se pripetilo sve to tak nekak. Je zišlo da sem to ja. Z razlogom je i zato kaj je tak moglo bit. Nemre bit ono kaj bit nemre. Zanimlivo je to meni. To znači da nemre bit kaj got; tak kak si zmislim.
Kad si sve to tak v glave porihtam zgledi kaj da smisla ima nekakvoga. Neznam od kam i zakaj, al je. Ma ni videti nemrem, kaj to kaj gledim je čist nekaj drugo nek kaj vidim.
Tak na primer, vite mene. Vi znate da sam to ja. Gda vas gdo pita jel ja jesam, bi rekli: 'Je on je. Znam ga.' A ja se pitam kaj vi to znate? Gdo sem i kaj sem i zakaj? Mi dojde da sem turoben, a kaj znate jesem il nesem. Ja tu vnutri, tu vu svoji kmici. Gdo me vidi? Vidite tam nekakvoga na dve noge kak hodi, ošišan na nulu, kak vu zemlu gledi. Morti si negdo i zmisli kak je taj nekak turoben, al te kmice svak vu sebe nosi. Je njegva. Črez to svojo kmico, kaj da i vašo gledim. Mi zgledi kaj da smo svi te fele.
Si tak premećem vu mislih i gledim vas; tak kak videti vas morem. Jel zbilja biti more da ste i vi taki, vu kmice svoje. Vas gledim vu oči, kolko videti mogu, i tražim u vami tu kmicu. Ste i vi morti turobni?
Najte prijateli i prijatelice drage. Pa niste vi sami sebe napravili. Zakaj turobni biti? Če si zgledite kak neka greška, najte. Niste sami vu te kmice, če jeste v nje. I ja sem tu. Navek. Stalno probam nekaj zapraf videti i navek vidim da to ni to i kaj da ono kaj zapraf je se ni videti nemre. Pa da bum za to turoben kaj sam taki, da videti nemrem. Morti delam na krivo al već sam razmel da biti more samo to kaj more biti, pa onda ni to ni nekaj kaj nemre biti. Je normalno da smo taki, pa makar si zgledimo kak nikakvi.
Kad već tak mi nemre dojti vu misli ono kaj zapraf je, zakaj bi se nekam žuril? Kad se nemre, mi zgledi, da se ni za žuriti. Pa bu se još više tak ne moglo. Bar to kaj se videti more. Ni vu brzine. Bi prije rekel, da vredi ne delati ono kaj ni dobro i kaj nam nikak nemre ispasti to kaj hoćemo. Sem jemput čul misel kak ljudi navek delaju isto i
hočeju da im bolje bu. Morti treba nekaj promeniti. Pa ni valda kmica jedino kaj se videti more. Tam nutra mislim. Morti treba pogledati malo sastrane il morti prije malo posluhnuti. Znate ono: 'Ehej ima li koga tu?' Morti bu i dalje šutel, kaj ne veruje da bi gdo zval iz te njegve kmice. A znate da se vu kmice ne vidi, pa se nemre videti ni kakva je. Morti je mala, a morti velka. Morti je sve v nje. Bi vredelo tu i tam malo svetla donesti.
I tak sem se dugo pital za kmicu. Zakaj je tak i zakaj nikasj ne vidim vu nje? Kaj da ono, kaj zapraf je, zapraf ni.
Si bi čovek mislil kak je to kaj gledi, to kaj je, al kak ja vidim to ni to, nek nekaj sasma drugo. Kad to vidim je već dost prešlo od onoga kaj se misli da se vidlo. Treba vremena da se zmislim kaj sem videl, a i vremena da se ono 'svetlo' od tam do mene prošeta i da se vu oči nekaj zgodi, pa da živci svoje napraviju i vu pameti da se zmislim kaj je to kaj se vidi. Bi neki rekli, da je to odmah, al debelo ni. Vidim navek kaj je bilo i to tak kak morem. Najviše toga se videti ni moći. Bar ne tak kak se gleda. I se onda pitam: 'Kaj zapraf ja vidim?' i 'Kaj zapraf sve to je?' Vite kak sam zapraf za istinu navek vu kmice. Su se oči tak črez vekove napravile. Je treba tak biti, al ne za to kaj se misli majveć. Je trebalo videti lava il tigra, da se pobegnuiti more. Je ipak vremena bilo za to i oči su dost brzo delale, a i ono kaj su vidle je čist dost bilo, da bi se ztbrisalo. Zato su i valda oči takve tu. Lava sad ni, al ja istinu tražim. Je negda mojim pređima istiona bila v lavu i tigru, a meni sada je nekaj čist drugo. Je ni moći to z taki oči viodeti. Zato sem prešel tražiti po svoji kmici, tam nutra vu svoje duibine. I kaj da velim, kaj sem do sad videl.
Kak prvo da ove oči, kaj ih imam, nisu sve, da bi se videti moglo i da čak se zgodi da se z njimi krivo vidi.
Kak drugo, da se more nekaj videti il razmeti il znati z drugimi načini . Tak se more opipati, našnjofati, čuti ...
kak treće, da ima i toga kaj čovek nemre osetiti z svojimi osetilima. Se i sam čudim od kud mi to, al sem po kmici to razmel. Mojim pređoma to ni trebalo, pa ni ni nastalo. Mislim oči kaj istinu gledaju ...
Kak četvrto mi zgledi kaj da nekaj i osetim, al ne razmem. Je tu polek, al nigdo ne mari. Su nam druge stvari bažnejše. Naprimer lova ...
Kak peto, ima toga još puno ....
I sad kad gledim kak sve more bit ono laj bit more, a nemre bit kaj got i kad vidim da skor niš videti nemrem zapraf, a si misliti morem svakaj, pa makar i to samo ono kaj morem, mi sve to zgledi nekak drukše nek kaj ljudi misliju.
Si sedim i mislim. Midlim kak i to kaj sad mislim je to kaj morem i kaj je tak zišlo da si baš tak mislim. Gledim to i kaj da je jedino kaj sad morem i kaj da si mislim kak to mislim ja. Da tak ri biti treba. A kdo i zakaj to misli. Pa se sve tak rihtalo da tak bu. I ni to samo tak za mene, nek za sve kaj je, vu svaki točki kaj je ima. Kaj vu svake baš? Ma od kud znam? Pa sem već rekel da ne vidim. Morti je sve to samo jedno kaj ni vremena i mesta ne treba, a se tak dogaja kaj se je. Morti je to kaj da v mirnu vodu kamen hitiš, opa valovi nastaneju.
Neznam, al nekak ko da bi štel znati i videti. Ne da bum neko, nek sve to ide tak pri meni.
Lepi pozdrav vami prijetelji i prijateljice drage. Volim vas i znam da ste vu kmice. Vas morti ne vidim, al tu ste sigurno... kaj ne ... :)
Post je objavljen 04.08.2009. u 19:33 sati.