Ne ide jubav na silu,
Zna san kad san je prosi,
I kad san je vodi u bilu,
S crvenom ružom u kosi.
Al' živili smo u skladu,
I dice smo dobili dvoje.
Kupili stan u gradu,
Imali nešto svoje.
Kako su dani tekli,
Srcu je bila sve bliža,
Ma jedno mi nisu rekli,
A ja san od toga biža.
To jutro je ostala spati,
Bila je puno mirna.
Nisan je prista zvati,
Voljena moja i virna.
Ma život nije o špaga,
Pa da se namistit dade,
Još da ti rečen draga,
U ništa neman nade.
A živit zbog dice oću,
Triba in bit uz rame,
Ja jednog dana doću,
Kad ne budu mislili na me'.
Kad srića in otvori vrata,
Ka šta si meni ti.
Bila si mi o zlata,
Učila me jubiti.
Slomila si mi silu,
Jubav si samnom tkala,
Anđele lipi u bilu,
Na tom ti dušo fala.
Post je objavljen 01.07.2010. u 19:19 sati.