Marketing
ŠPANJULETI i prvo fumanje
Jeman ja pet dinari ,a di si ti mislija vazet španjulete aaa?Duje? Gospe ti ma di si se zablesija u ca blejiš tebi govorin.
Ma ništo san se zamislija......
Hahahaha aj kvragu,ti se zamislija.......ma nemoj molinte da ti nebi ca još i izašlo iz te glavuše manite,ala bolje bi bilo da kontaš di ce mo vazet španjulete.........znaš da ce nas Zelalija oma špijat ko vazmemo u njega u trafiku...........
Znan znan...... daj ga u pizdu materinu .... diš poc u njega vazest kad je stari prdonja lajav da nemore bit lajaviji ......a i žena mu je teška peškaruša....ta po cili dan samo gleda di ce koga olajavat...a onde na most jon je taman štacija ka gospe ......sve vidi i sve cuje .........ma koje radio ,koje novine......
Sitija san se di bi mogli ,ma je malo u kurcu jerbo bi mi moga pape saznat oma jer on tamo gre na karte igrat sa kompanijon.....ma opet ka se ucinu konti najbolje je tamo i vazet jerbo nece niko ni posumljat ...tamo ja papi gren stalno vazimat cigarete nedijon kad ne radi trafika,......,a namo se more vazet španjulete i na komade ....ono 5 španjuleti ......ne moramo vazet cilu škatulu....ma znaš ona Opatija...
Di Marine? Ajde bekni više ......uzbrojija si se ka stara Domina kad moli krunicu hahahaha,tako i ona sebi stalno ništo u bradu pribraja hahahahahaha
Aj u pizdu materinu ti i Domina........dabogda te po noci budila išenpijani stvoru dabili išenpijani......moremo vazet španjulete u gostionicu kod Marka Perice eto di moremo vazet .....
E bravo vidiš kako si se ti to dobro sitija .....je je u pravu je moja mater kad govori da ceš ti bit veliki mudrijaš hahahahaha da ti stalno nike monade šuškaju po možđanima i da si navijen ka reloj ......
A ca sad oces da ti i mater pocmen vriđat ,pa da jon reces kad dođeš doma aaaaa??? Oli misliš da san se ja jucer rodija aaaaaa???Aj kvragu tamo petacu ti trišcurinu paš vidit koga ceš ti zajebavat....
Eto vidiš da si poceja jopet mudrijat .....
Dujeeeeeeeeeee ocemo li poc vazet španjulete oli necemo.????
Ala ajmo se movit dobro ti i govoriš šijor Mudronja hahahahaha
Zvizzzzzzzzzzzzz prokinen ja njega nogon u prkno i biž ispri njega put gostione,a on nako landrav kakvi je bija trk za menon ......koje smo mi dvi belece bili ,koja dva muzuvira,ma koja dva piciškandala......ka gledan današnju dicu .....mi kada smo bili s nike druge planete ,nimaju današnja dica tega lipega mota u sebi...onega špirita i funcutarija.......a valjda je to bilo to vrime.....ka ca bi reka stari svit ,svako vrime nosi svoje.......hahahaha a kad smo vec kod tega,a jema bit da je Dujina mater bila vidovita jerbo kada je stavljala rici mojon boljon polovici u justa koja cesto rece „ala koji si ti mudrijaš“ : )))))
E bravo sad smo po posla ucinili Marine a sad kad jemamo španjulete i šuferine a di ce mo poc zafumat aaaaa? Ala pametni moj valja nac misto di nas nece niko vidit........
A ca si konta da nisan vec unaprid naša misto ,aj kvragu tamo,nika ništa o tebe, gospe ti blažene oš ti ikad cakod smislit, oli ja moran uvi bit atento .......bija san nikidan sa Vucicen (domaci malo stariji ce znat o kome govorin.....to su ona dva brata Vucica ,e a ja sad govorin o mlejemu) na misto koje je ka izmišljeno za sakrit se ......nima boga da bi nas tamo ko vidija.....samo triba jemat pomju da namo nesmimo ništa badat jerbo bi mogli cakod usrat a onda bi najebali samo tako.....
.......gospe moja oš više istrest iz sebe.....dddddiiiiiiii?
Aj zamenon....... Trk priko pijace u ložu .......ekola evo ga na...jel vidiš ova vrata a pizdunu ,a jel znaš di se gre kroz njih.....aaaaa??? konjino pa sad reci da Marin ni pametan....Marin mudruje.....a ka bi tebi ovo palo napamet aaaaaa......gori u sat ce mo ......a ko nas gori more vidit.....niko.....ekola.
Vrata koja vode gori u sat,onda u ono vrime su bila nikakva,cila ruvinana i nisu se zakljucavala ka sad
A u kurac,ova vrata su cila vanka škvare.....zapelo je ,ne moredu se gurnit....
Ma ca nemore......bummmmmmmmmm.......prokinen ja vtara nogon......ajmeeeeee...ajmeeeeeeeeee ......ajmeeeeeee .............jeben ti postole isusove i materi i postolima ajmeeeeeeeeeee joooooooooooooj.........
Capan se za desnu nogu i stanen skakat ko manit na jednon nogi.....ajme boli boli....odnija vrag španjulete,fumanje ,sat ........
Zaboravija Marin da nima na postolima pridnjice i da su prsti goli ,i da nemore prokinit vrata nogon ....a zašto ni bilo pridnjice na postolima???? Aaaa??? E vako ...pošto je onda svugdi bila mizerija i ni se jemalo šoldi onda se šparalo na svemu na cemu se moglo šparat....a moja mater je bila genijalac za šparanje.....ja san jema nazovimo ih međupostole hahahaha kako me smij vata kad se tega sitin....a međupostole su van ka postole prije neg se kupu sandale oli Isusovke u Parcine ......a međupostole je moja inventivna mater cinila hhahahahaha......ona bi lipo na zimskin postolima ca san ih ja vec dobro stuka iskidla nožen pridnjicu i zadnjicu ,a sa strana bi ucinila buže ....to su bile ka nike „zimske sandale“ hahahaha ma koje bi dite to danas navuklo nanoge......ma koje Starke,koje Nike,ma da Pacotice ,da Marte.....a koju san ja modu onda jema aaaaaa????? A opet nas u ono vrime ni ni bilo brige ca ce mo obuc i kako......moga si nas komodno gole poslat vanka ni nas bilo brige....e to se zove bezbrižno ditinjstvo.
Pored sve moje muke ipak se nije odustalo od fumanja......uvukli smo se ja i kompanjo Duje gori u sat i pofumali po 3 španjuleta nako na brzaka jedan za drugin......a onda falin te bože,diga se štumik,uzmucilo .....pa je kompanjo ostavija trag našega boravka na zabranjenon mistu......
e a falin te bože Berket (pokojni Ivo Berket ca je bija u ono vrime zadužen za navijanje sata i naplatu banaka na pazaru)je Vucica okrivija za rigoleto a koga je drugoga i moga kad su samo njih dva ulazili gori hehehehehe.......
.......e a to gori je posta naš novi tinel ,svakoga dana smo mi gori ulazili ,fumali,zajebavali se .....ma kasnije se i doznalo da gremo gori ma nije niko branija jerbo smo eto mi ka domaca dva merla kojima je bolje ne zamirat se jerbo neznaš nikad kad ce ti oni ucinit koju monadu za dišpet.
Post je objavljen 18.03.2009. u 10:03 sati.