Pregled posta

Mali Marin u raljama visoke politike

Ma ke komedija,da komedija.....ka se danas sitin za šta san ja sve capava porcijune vata me smij.......a ova jedna monada je bila kruna svega.....ko more razumit da je bilo nako redikuli u ono vrime i ca je najgore ti su redikuli mislili da oni to ka ništo pametno i ozbiljno radidu........

Storija gre vako:

U školi je bija predmet „moj dom i zavicaj“ ala koje lipo ime aaaaaaa, e u one prve razrede škole u Trogiru su dicu ucili baš o njihovome zavicaju ......o gradu Trogiru......o povjesti grada......znali smo svaki detalj o svakom spomeniku ,građevini, kuci.....kad i ko je napravija i tako u temu motu...... dil tega ucenja su bili i svi grbovi i natpisi na kamenin plocama koji su se nalazili a i joše se nalazu na fasadama kuca.......

Da ti nama naša uciteljica za domaci rad zadatak da izaberemo po jedan kameni grb sa natpison ,da navedemo sa koje je kuce , da ga opišemo nako kako ga mi vidimo a i da ga nacrtamo.....

A meni je najbliže a i najjednostavnije bilo poc do zgrade opcine oli ti ga kako se onda po našu domacu zva „Duždev dvor“ i tamo izabrat najjednostavniji grb i njega nacrtat jerbo ko se moga zajebavat s a onin drugin obiteljskin grbovima koji su parili ka cilo životinjsko carstvo ........

Nako pametan i furbast ja ti oma sinjan poviše vrata o ulaza u zgradu opcine jednu veliku lipu kamenu plocu na kojon je bija lipi jednostavni grb kojega se moglo nacrtat u 3 poteza.....e to je bija grb Hrvatske...oni lipi grb sa izbocenin i udubljenin poljima......e baš taj ......
naš Hrvatski grb ca ga danas zovedu „povjesni grb“ jerbo ka nesmi se on ni danas iz istoga razloga ka ni onda promovirat previše jerbo te odma proglasidu nacionaliston ,fašiston i neznan vec cime.
Uz grb je bija i neki natpis „kud li šumiš svitu reci da svoj narod Hrvat ljubi“........ja ti to sve lipo nacrtan i prepišen oni teks i pun sebe vratin se doma.

Sutradan u školi ona naša uciteljica prigledala nan je domace radove i oplaaaaaaaaa uzme moj i odnese ga sve mrsec nešto sebi u bradu.....i oma ka iz topa ispali.....
Marine odma dođi ovod .....ispruži ruke.......e a to ispruži ruke znacilo je samo jednu stvar .......najeba san........ajme ka me opizdila onon drvenon redalicon po dlanovima pa još jedan put pa još jedan put........ajmeeee ...“A sad aj doma i dovedi oca oli mater u školu“........

a muko moja ca san ucinija,a ca sad ova oce,koji je qrac sad........izbubala me redalicon i još dovedi mater a za radi cega???????????????????? Veliki se upitnik onda stvorija u mojon malon dicijon glavi,nisan nikako moga zakljucit ca san ucinija.

Nako cili iznebušen doša ja doma i nako materi ispica ca je bilo i kako i da je uciteljica oma oce vidit....a mater ka mater a ca je drugo mogla nego skini travesu i pomalo nogu pridnogu zaputi se s menon put škole.........
Tamo je ništo uciteljica njon objašnjavala,žestila se asti gospu ka da san neznan ca ucinija....ajme koje je to mavanje rukama bilo parila je ka dirigent filharmonije......a moja bidna mater samo se uginjala ramenima i crvenila u licu ......i na kraju cila posramljena pognute glave išla naza doma.

E a ka san doša doma onda san i ja cuja svoje.

-a dite moje ca si ovo ucinija,ajme meni ubice te otac kad dođe doma s posla,ma ca je ovo tebi tribalo.....u crno ceš nas zavit........ma ko ti je reka da ono pišeš......jel te ko nagovara

- nisan ništa ucinija mama.....neznan o cemu govoriš.....ca je bilo ,neznan ništa .......ca je bilo nisan ja ništa ucinija
-a ko ti je reka da ono crtaš i pišeš ca ti je bilo u domaci rad a?

-ono san ja sa Duždeva dvora pripisa sa ne ploce oma poviše vrata........to je bilo najlagnje za nacrtat i pripisat a ca tod nevalja....jel uciteljica rekla da pripišemo jedan natpis i grb i ja san baš to ucinija.

-a dite moje ma koji grb si ti pricrta i pripisa ,aj ti to materi pokaži di je to jerbo najebali smo skroz radi onega ,ajme jadna nan majka ca si nan ucinija.

Postavljena 1935 ,uklonili je fašisti 1941,ponovno postavljena 1971 ......uništena 1974......ponovno vracena na svoje misto obnovljena 1990.

Odemo ja i mater tako do ispri opcine da jon ja pokažen i dokažen da je to baš namo di san ja reka......kad ono puffffffffffffffffff NIMA GRBA NIMA NATPISA.....niko je sve to puntarolon (špicon) iskopa i istuka....ne vidi se ništa....sve je nestalo .......izštemano .......a Isusa ti miloga šta je sad ovo?????Osta san inkantan i uzalud san ja pokušava materi objasnit da je to bilo baš tod....

Ma znala je stara moja da je to tod bilo ma ni smila bidna ništa zucnit u moju obranu jerbo se nad našu familiju nadvila opasnost da nas optuže da smo nacionalisti.....a to je onda znacilo samo jedno.....najebali smo .

Popodnen je doša i pape doma s posla ,a moja bidna mater cila nako ispripadana sve mu ništo šapce i objašnjava utiho da ni mogla tiše......kad odjedan put plane pape........
ko ga je tuka???? Zašto ga je tukla????? Jebat cu jon i oca i mater ........sutra ja gren u školu .....
ko in jebe mater idiotsku......ako se oni minjaju kako vitar pune e ova se familija nece minjat....mi smo ono ca jesmo i drugo necemo nikad bit ne zva se ja Petar.......
zgrabi me pape digne zagrli svon snagon i izljubi ka nikad prije......
Neka si sine,neka si ......a ako je njih sram onega ca su neka patidu......a mi smo sine Hrvati i uvi ce mo bit......

Te papine rici usikle su se u moju dušu duboko duboko............i danas ka se sitin tih trenutaka oci se same napune suzama......suzama ponosa na moga papu koji je bija covik koji nika nije da nase .....koji me cili moj život ucija ko san i kakvi covik triba bit........onoga momenta ka me pogleda u oci i reka „sine nika ne zaboravi mi smo Hrvati ,katolici,živi pošteno i ne boj se nikoga nikad,nikad nedaj nase i na svoje „

E te rici su odredile tijek moga života,moju sudbinu.....ono šta san sve proša u životu ......i lipe i grube momente......a virujte mi bilo je grubih ........ ka san jema dvadeset godin strpali su me u pržun ka stoku jer san bija ono ca jesan i ca cu uvik bit ja i moja dica.....ka ca je uvik bija i moj pape,dida i svi moji preci.

Ona ploca sa grbon se vratila naza na valovima demokracije...... i eno je sad opet stoji onde di je i bila......doduše ni ona ista vec nova, ma sa istin sadržajen.......e a uz plocu su se desili i niki događaji ca su ka eto opametili.....probudili iz dubokega sna nike ljude ca su onda bili najveci kriticari baš te ploce i svega ca se onda dešavalo......rodilo se niko cudno novo vrime sa još cudnijin ljudima.....sa onima ca su se i onda vrtili kako vitar pune ka makako na fumaru.....a more bit da su oni ca su štemali onda onu plocu ovu novu i postavlja a ko bi ga zna.....cudan smo mi narod.....da cudan.....pa da malo

Nadan se samo da nece opet koji mali Marin uvatit bubaca radi nje.............




Post je objavljen 02.03.2009. u 11:44 sati.