Dragi Novljani dobili smo z Merike žitak e-mailom, pa Van ga ovun prilikun dajen na uvid.
MERIKANSKI ŽITAK
Mesopusno izaslanstvo
va nebeskoj šlo prostranstvo!
Dok ste Njega sprogodili
Atlantik smo preletili.
Z riti su nan zrasle kike
do te gladne J"amerike.
Kad smo prišli koncu kraja
Merikanskog evo raja,
Na Floridi sunce grije,
nikad zima totu nije,
Dok se moja Doda kupa
Mesopusna glava šupa
Ispod pal me versi piše
I pozdravlja ponajviše:
Predsjednike moje mile
I njihove bele vile
Muzikantih sih od reda,
Gradske vlasti radi reda,
Picimortih i pivačih
I sih naših navijačih
Ki poštuju naše delo
Zato "j Prelo bilo velo.
Glumačka je pak elita
Sad poznata širon svita.
Novi list smo sobun zeli,
Interes je ovdi veli,
Pogotovo za starletu
Debelu na visoku petu
Ka će moral kazat dudu
Morda i va Hollywoodu.
Za Tončića novost ima
Interpol se pak zanima.
Istraga se tu otvara
Oko avijatičara.
USA pošta poručiva
Kočiju nan sporučiva
S kun ce Velo za črljenku
Korzon vozit babu Venku.
Obama pak pregovara
Za Samira zaštitara,
Sekurči mu tamo rabi
Da mu bele ženske vabi.
Menadžeri tu se cijene
To najviše boli mene,
Dado Polić poziv ima
Na delo se valje prima
Zač Merika vela.pusta
Ovdi nima mesopusta.
Neka lipo se gre vrit
BIL JE NI GA OPET CE PRIT.
Palm Harbour, Florida, 28.02.2009.
Žanić Miljenko
Post je objavljen 01.03.2009. u 14:25 sati.