Pak mi zgledi kaj da nebu posta. Nikaj mi se po glavi ne mota, kaj bi se tu deti moglo. Kaj da je vu nje šuplina. Nekaj od nekam doleti, i gda se zmislim da nekaj bu, prejde. Kam i zakaj, pojma nemam.
Veliju oni navudreni, da je tak dobro. Kak nirvana. Nikaj vu glave, i da je onda sve vredu. Kak je sve tu vu glave nikaj, bi rekel je nikaj v redu, pa je tak sve v redu.
Kak praznoglavi se nemrem na nikaj srditi, kaj nikaj vu glavi ni. Se, kolko znam, čovek srdi z glave, kaj ne?
Praznoglavec je čist v redu. To je tak za onoga kaj tu glavu ima.
Ak pak imate kraj sebe praznoglavca, već to zgledi malo drugače. Kaj z njim morete? Niš. Kraj vas sedi i v daljinu z osmehom gledi. Vas more to i sekirati. Da bi z njim kaj mogli, mu prvo treba z nečim glavu napuniti. Z takvim se poslom puno ljudi zanima.
Tu se zmislilo prave nauke. Kak čoveku napuniti glavu da bu z njim se moglo delati kaj se hoće. Tak napunjeni više nebu praznoglavec. Ak ste dobro napunili, bu delel kaj ste šteli.
I ni svejeno gdo i zakaj puni. Oni kaj puniju su punoglavci, jer kak bi drugima punili, ak su praznoglavci, kaj taki samo v daljine blejiju.
Ima tu još nekaj. Praznoglavcih baš nema puno. Tak su se punoglavci, i to oni kaj delaju nove punoiglavce, zmislili dsa ih napraviju. Kak, se pitate? Klasična i prirodna metoda dugo traje, da bi se skroz novoga napravilo. Zmislili su se da od punoglavcih delaju praznoglavce, kaj bi im mogli glave puniti, onak kak im se sviđa (kak z onim problemom gde se slona strpa u kutiju od šibica). To se dela od onih punoglavaca koji imaju krivo napunjene glave.
Mislim da sam bil jasen. Lepo je bit praznoglavec, al ga punoglavcima ni dobro imati kraj sebe. Preznoglavcu je tak sejeno gdo je z njim.
Da to ne bi bila zmišlena priča, bi treba i o tehnologiji pripovedati.
Ste čuli za one plakate i panoe uz cestu? Televizije i radija znate? Čuli ste i za internet, valda ..? :))) Vite, tu je tehnologija. Su ljudi, neki, to zmislili da bi se ljudi bolj razmeli. Je to bi morti tak i bilo, da stvar vu ruke nisu zeli agresivni punoglavci. Kuriju se na lovu, a su zmislili i kak ju napraviti. Sami nemreju puno, al ak napumpaju druge glave, moglo bi ih se skoristit. I tak je nastala nauka pumpanja glava.
Prek one tehnologije, kaj sam rekel, svega se meće i kiti, tak da praznoglavci mam osetiju da je to za njih ono pravo. Tak sa puno raznih napumpavanja se napravi kak cela vojska onih kaj vu glave imaju potrebe, i to baš talkve, kaj bu lovu donela onim punoglavcima, koji su im glave pumpali.
Z svačim se glava napuniti more. Onima pod plavim barjakom napunite glavu, da su protiv njih oni pod crvenim. Posle oni punoglavci, za koje se tak pumpalo, moreju svakaj pripovedati i opravdavati se. Skor za sve su krivi oni pod drugim barjakom. Vite, praznoglavcima to nemrete delati. Oni se smijeju i v daljine glediju.
Gledim sve te punoglavce kak misliju da su im to svetinje. Bi se potukli za njih.
Tu su i reklame. Rihta se kaj kupiti. Važno je lovu zgrnuti, a ne kaj zapraf vredi to kaj se nudi. Nafilani punoglavci osećaju kak su in i sve jen drugom pokazivaju kak to imaju, kak su to kupili. Valda im je to dokaz pripadnosti skupini.
Kolko su jake tak napravlene pune glave se vidi po tom, kak se nemreju odviknut od potrebe kojom im je glava nafilana. Poglečte pušaće, narkiće, alkoholičare, navijače, kladitelje ... i puno drugih sličnih. Svi oni delaju z tim lovu za one punoglavce filistre. A i ti punoglaxcci filistri su iste fele, kaj nemreju bez love, isto kak oni tam bez cigaretlina, droge, alkohola ... Sve je to ista pesma. Zborno pevanje punoglavcih.
Reči bi štel, da ipak ima i dobrih punoglavcih. To su oni kaj si sami glave puniju, da bi ih spraszniti mogli. Od punoglavca napraviti praznoglavca ni baš samo tak. Treba prvo imati razloga. Posle treba puniti glavu z onim z čim se čisti glava od onoga kaj ne valja. Takvi povremeno z tim puniju glave punoglavaca, al onih koji su na čisto došli z namerom da sprazniju glavu od onoga aj ni dobro.
I tu su tehnologije v pitanju. To su meditacije, prosvetlenja i takve stvari.
Kaj je nakon toga? Kaj mislite? Su to praznoglavci?
Bum do sim došel. Ni dobro dalje se furati. Bi me gdo krivo razmel. Če mene pitate kaj mislim, bi rekel: 'Ja jesam praznoglavec z osmehom, al to ni tak kak si puno njih misli.'
A kaj z postom? Ga morti vidite? Ja se samo smijem i srdačno vas pozdravlam i volim. To je od srca, a u tom su praznoglavci jaki ... Vaš Mladen ... :)
Post je objavljen 16.02.2009. u 22:29 sati.