Marketing
pisma ostaje ista jerbo ova mirita više o jednega posta
Daklem pošto mi se neda pisat ništa,jerbo san se priko blagdana razlinija ka tovar a ja cu lipo peta par slika ka ca to i dolikuje vakemu lincini……
Nedaj van boze da bi mi ko capa ve slike jerbo to je ka nacionalno blago……..pa cu ga ka ja eto zaštitit mojin potpison nek se zna da je to ono ka moje i nedan nikome jerboa san sebican…….a ko zna more bit da se i obogatin na fotografiji hahahaha ……
A ka nisan dosa na nicemu e gospemi nevirujen i da cu na ovemu…..
ali jelte ja san duševno bogat pa me ni ni briga za materijalna bogastva……..kome još tribaju šoldi,dobro je govorija stari svit da šoldi kvaridu jude……….hmhm…….a ca je mene onda pokvarilo aaaaaaa????
Je je tribalo je guicu tornjat do namore za vo litretat ….oli mislite da mi je to lako bilo ……ali eto za dišpet san i to ucinija……..
E sad jos recite da niman mota aaaaa? A vidi ovo …..koja fotka aaaa?
Evo ga macel oli ti ga kula sv.Marka kako bi to nasi dicni miscani rekli…….a unutra je puste godine bija macel,koliko je bidni beštij tod guicu izgubilo……
Evo san ucinija dodatni napor i okrenije se bokun da bi moga ovjekovjecit našu lipu kulu Kamerlengo……koja lipota aaaaaa????? ….. a jos liti kad je kino namo……a more se i fumat unutra…..a a di to jema aha jesan Vas……..
E nisan moga odolit a da ne badnen i ovu rugobu ca je ka prst u joko svakome normalnome trogiraninu…..ajme koja sramota za gospu blaženu…..koja je ovo komedija….je liti funkcionalna a jopet oli nima kamena u dalmaciji pa je ovo petalo kada smo u srednjen viku i branimo se jopet o turci i tatari hahahahahaha,
ma da mi je samo znat ko je napunija takujin dok se ovo radilo ……….
Malo san odvuka guzicu priko mosta
A jeltem da Splicani nebi rekli da san izdajica grada u kojemu živin evo malo i njima za dušu
Ali ipak nima meni do Trogira…….motiv koji uvik srce i dušu klepne…….zadrce duša jerboa vidi dil sebe…..
ocu ocu napisat cu ja cakod vrlo brzo ma mi se trenutno neda......a ko je vidija kontra sebe ic........jel tako .......
Post je objavljen 05.01.2009. u 15:55 sati.