Mi prijatelj na poslu nedavno pokazal nekakve čudne očale. Došel je kod mene i veli mi: 'Daj probaj ove naočale.'
Znal je da jedva vidim. Radi kak tehničar na PC-ima i podešaval mi je ekran, da bi kolko-tolko videti mogel. Zna i da čitam na kompu tak da kopiram u word i jako povećavam. Našel je negde na internetu informaciju, ali mu je prije toga njegov prijatelj poklonuil, baš te očale, kaj mi ih sada pokazuje.
Del sam ih za vuha i na nos i pogledal kroz njih. Em skor niš iovak ne vidim, a sad još i očale kaj imaju crno staklo s puno malih rupica. I sad, da bi kaj uopće videl, moram kroz te rupice gledati.
Prvo kaj sam pomislil je bilo, da je to ludo. Ne vidim i još da si otežam to stanje.
Veli on:'Samo probaj; buš videl. To ti je ajurvedska medicina. U Ibdiji još i danas tak popravljaju vid, a sve je popularnije u svijetu. U Europi je sve više toga. Tu kod nas još uvek su poteškoće z tim, al bumo vidli na internetu gde se može nabaviti.' Njemu ja verujem. Znam da je dobar čovek.
I trudim se ja gledati kroz te rupice. Skužil sam da je najbolje opustiti se, pa nek oči i mozak sami delaju. Ti vrapca, kak gledim pomalo sam i zaboravil na rupice. Ono slike kaj sam videl bilo je nekak skor bez magle i videl sam kontraste. Dobro, ni bilo savršeno, al dost bolje nek bez tih očalih.
Ja ne bi bil ja, da nisam odmah počel v glavi premetati o čemu se tu dela. Nemrem samo tak prek toga prejti.
Znam da sliku, prek svetlosnih zrak, delaju oko i mozak. Živci i mišići pomažu prenos impulsa i rad oka. Mozak finišira. Ono kaj dobi, z tim osmisli, kolko može, ono kaj se gleda. Ranije sam navek fokusiral. U novije mi vreme to probleme dela, jer se sredina vidnoga polja jako pokvarila i vidi samo mahlu. Ono kaj se vidi, vidi se okolo, po rubovima vidnog polja. Kak su oštećenja po malo svagdi, poremećen mi je kontinuitet slike. Tak je to kad oči same delaju.
Z ovim očalama sam sad odmah dobil diskontinuitet s tim rupicama. Da, al sad mozak ima nekaj konkretno. Ima tu mrežu s rupicama. Bila je nekakva mreža i s oštećenjima očih, i sam se nadal, da bu mozak prepoznal matricu oštećenja. Nekak to ni išlo. Pital sam se zakaj. Zgledi da to ni baš fiksno. Oko se miče i z tim menja matricu i njen položaj. Za mozak je to puno komponentih kaj sliku kvariju. Z ovim očalama, kak prvo, nema više fokusiranja i eliminira se loš utjecaj sredine vidnog polja. To već donosi poboljšanje gledanju. Mozak prepoznaje jednu stabilnu matricu. To je ova od rupica na očalama. Riješava je, kolko vidim, sa lakoćom. Tu je psihološki momenat, a i više od toga. Mislim da je to ujedno i putokaz u procesu gledanja. Ni mozak bez veze. I on je živo biće. U našem životu i čuda se z njim delaju.
Kaj sam skužil? Kad prestanem fokusirati ili to smanjim i ona matrica kaj je od pogreških oka, se ne miče ili se manje miče. Vježbam se tako gledati mirnim okom. E, tu je ono glavno. Mozak bu mogel sada delati s tom mirnom matricom grešaka oka.
Znate kaj? Divim se ljudima, kojih jako puno više ni med nami. Nekada davno u Indiji, još prije Budhe, bilo je razvijeno poštivanje života i nauk dobrote. Bilo je mudrih ljudi, kojima danas traga nema. Da, traga imenom, ali ja ih nalazim npr. u ovim rupičastim očalama. Tak su mi čak i bliže, nek da mi ih se predstavi nekim imenom. Na kraju, pa svi smo mi bezimeni. Takvi smo se imenima okitili ili su nam ih drugi dali. Ono najiskrenije i najistinitije, nema ime. Ono jest i po tome jesmo.
Prijatelj i ja smo u petak skoknuli do 'Bio-rame' u Dugavama. Dogovorili smo se sa Goranom da se bumo našli van uredovnog vremena, jer mi isto radimo. Čovek je pristal bez problema. Još smo si z njim i pospominjali.
Sve mi tio dalo misliti o jednom puno većem problemu, koji kod nas postoji. O tomu bum u sledećem postu.
Fala vam meni dragi ljudi kojih više nema. Našao sam vas u ovim očalama. Ono po čemu ste Istinom bili i po čemu jest Istina Vaša i sada poštujem. Fala vam velika ....
Prijatelji dragi puno je sitnica kaj nam život gradiju. Donose ih i nose ljudi, životinje, biljke i... Mnoge dobre ni ne vidimo, a zaslužuju našu hvalu. Dobrota je tu med nami. Treba samo malo bolje oči otpreti.
Pozdravlja va i voli vaš Mladen ... :)
Post je objavljen 04.01.2009. u 14:32 sati.