Kak leta polahko mineju, sve nekak nekam se zmiče i prejde, kaj vu neku črnu rupu, gde više to videti ni. Tak samo ostane nekaj kaj si mislit moremo: nekaj kaj je kak nikaj i kaj da bi moglo bit kak svakaj kaj si zmisliti moremo.
Je dečki i puce, tak je! Kaj je prešlo, je prešlo. Moremo još same fantazirjat i vu glave premetati.
Neke su stvari prešle, a neke su prešle da ni došle nisu. To je tak z onimi, kaj se ni pripetile nisu, a se štelo. Štelo se, al ni moglo biti bilo. To je tak z onimi kaj se fantazerjalo predi. Svakaj se htelo, kaj ne?
Je, leto je pri koncu. To i vrapci već valda znaju. Kmica je, pak je mrzlo i navek neko gruva.
Još kak mali dečec sam si gruntati v glave znal o svemu kaj je. Kak i zakaj to tak je? Kaj to prejde? Pa, nis praf ni znal kaj to je.
Kaj kad ti neko veli: 'Si videl već je prešlo.'
A se zbrcneš i kaj da te gdo fpičil i zineš onak: 'Gdo; kaj?'
Onda pak samo čuješ: 'Kaj ne glediš. Bi videl.'
Je, lepo, si mislim. Kaj da to gledim? Kaj bi to videti trebal. Čujem kak pripovedaju da leto prolazi. Se napinjem da videti bi mogel kak to. Sve mi je kak navek. Niš mi jasno ni. I pak bu leto prešlo; i svi buju o tomu pripovedali; se buju i rihtali, popevali, jeli, veselili; a meni i dalje niš jasno nebu. Je, neki znaju kaj i kak treba. Navek su oni drugi znali, a ja bi v vuglu duše samo škiljil, da vidli me nebi kak niš ne razmem.
Tak sam se sam v tem viglu počel i spominjati z onimi z kim se to još moglo. Je navek, tu polek, negdo bil. Nis videti mogel, kaj ionak niš zapraf i ne vidim, al sem čutil. Jen meni dragi pajdaš navek je tu. Taj ni jel, ni pil ni, a ni ni popeval. Je šutel i samo je bil tu. Osetit ga je mogel samo taki, kaj je kak on, vu tišine mučal i samo bil tu.
Sam osetil, kak mi je pajdaš taj, nekak utehu štel dati, tak da nebum tak turoben. Bez rečih, kaj da mi je misel polahko rihtal, kaj bi mi sve nekak lepše zgledilo. Je videl, kak si sam veselja zeti nis znal, pa mi ga kak dareka daval. Me prvo kak malo sram bilo, al sam videl da je njemu bilo stalo, pak sem se malo oslobodil.
I tak sam ja, sam v vuglecu, z njimi se bez reči spominjal, i lepo mi je bilo. Drugi vu veselju me ni vidli nisu, a če bi me kateri slučajno primetil, bi se samo nasmehnil dečecu, kaj se sam sa sebom zabavla. Nigdo mojega pajdaša videti ni mogel.
Su tak ta leta prešla. Ta leta, kaj ih oni drugi spravlaju i rihčeju. Brojiju ih. Ja sam još navek z svojim dobrim pajdašom. Su vremena nehala, al sem puno toga videl, onak vu glave. Puno toga kaj mi je moj dragi pajdaš pokazal. Navek je po njegvu bilo, jel drukše ni ni moglo bit. Malo sam ljudi videl kaj z njimi su dobri. Ga ni ne vidiju. A on je navek tu. Tu med nami svimi. Se javi čoveku kad je čovek sam, a največ kad mu je teško. Z nekom čudnom lahkoćom otpire oči i srca, da bi čovek videti mogel. Problema si puno čovek sam dela, kaj se splaši i mira si neda. Se čovek nafčil, da je samo tak kak si on misli, pa za takva 'čuda' ga strah vlovi. Siroti moj pajdaš zna za to, al nebi štel takem čoveku slobodu zeti. Si čovek slobodno zrihtal života po svomu.
Gledim pajdaša i nekak mi sve više jasno zgledi sve ovo kaj sam se navek pital kaj je. Ne dečki i cure, vam nem rekel kaj. Znate, ni meni nigdo ni rekel, pa ni moj najdraži pajdaš. On mi je v tišini, bez reči, nauk dal. Tak sem videl kaj dobro je i kak je lepo pošteno živeti. Sam videl kak ni treba uzimati po svoji volji, ak predi nis se v sebi z pajdašom zrihtal. Zapraf sve više po njegovu i delam. Kak sam ga v tišini upoznal, je i dalje v tišini v meni. To nekak znam i pušćam da po njegvu bu.
Deca draga, vidim da ispračate neku staru godinu i da se veselite novoj. Vidim da brojite lete. Je, normalno je po zimi slaviti. Po letu, proletju i jeseni se dela. Se pitam zakaj tak ne delaju v južni polovici kugle. Je, bute rekli, da tak treba. V redu, tak ste se dogovorili. Rihtate si po svom.
I tak ja, kak navek, gledim sve ovo. Nekak mi je jasneje, al na neki moj način. Moj dragi pajdaš mi pri tom pomogel. Navek je tu i kaj da je navek z menom, i onak mi v srcu najrajše bu.
Prijateli dragi, jel i vi koji put vidite pajdaša, kaj ga drugi ne vidiju? Onoga kaj vam navek dobro hoće. Ste primetili da bi i vi se malo potruditi trebali; na radost njegovu.
I kak navek vas pozdravla i puno voli vaš Mladen ... :)
Post je objavljen 30.12.2008. u 13:47 sati.