Marketing
da ih nima tribalo bi ih izmislit
Je da in nima tribalo bi ih izmislit,jerbo malo ko jema take dvi belece ka mi
......
........UND........
Znan da ni misto ni vrime za balit o politici, ali opet nemogu se fermat jerbo je jace o mene.
Necu na istu temu ka zuza....jerbo san i ja biža iz škole pa bi bilo malo blentavo da na tu temu dajen moje viđenje stvari.....
ali zato ova dva,ova dva me izbacidu svako malo iz takta,ma jel moguce da smo mi vako išempijan svit pa da jemamo ovako manite i išempijane predvodnike......je kažen predvodnike jer se tako jema bit kaže za muške ovce(oliti ga ovne) koji stado ovac vucedu za sobon pa i u debelo sranje ako triba......
e asti gospu nesmin ih imenovat jer bo se za to gre u prdkanu,a meni se bas ništo tamo ne gre.....
jerbo valja svitu zacepit justa da ne bali svašta .....a oni možedu balit i balit i balit....i onda potla dva dana –me ne nisan ja mislija tako,to ste vi ka krivo culi.....ma šta pizdu i nije neki problem jer san u ovih mojih godin ca san ih skupija na škinu nasluša se svakakvih monadi ali ca me lažedu u oci da oni nisu to izbalili to nemogu nikako progucat......j
oš ce ispast da smo svi i gluvi.....e moj grinchu i dvorska beno nismo mi tako išempijani ka ca vi mislite......
mile ti i drage gospe.....oni bi mi cinija škerce oko Božica,e gospe ti to nisu ni drugovi uspili a kamo li ce on,kada ovi svit jema šta za potrošit...dobro jemadu i za skuvat doma atroke za specijalne troške.....ucinice bokun bolji obid za eto tek toliko da se zna,da se cuti oni lipi štimung.....malo ce bor okitit i jaslice složit da dica pantidu ....da ispo bora nađedu koju sitnicu zase.....e moj merlo nece to proc kod ovega svita.....tvrd smo mi oraj.....samo nas nemoj puno mlatit jer ni dobro da puknemo....
A dvorska bena je jopet prica zase....malo mu je ca laprda i ca glumi fikus( a neš ti belece,ma nije ni za fikus) jerbo ga ne obadaje i onako niko pa se nemore za njega ni rec nego da je fikus......
ajmo malo još kalat gace( da nerecen posrat) po onima one ca su sebe stavili na tolu da bi mi danas mogli ovod uživat....malo nan je ca ste nas svrstali u ljude drugog reda,parimo ka nike zviri ca su temo eto tukli nike beštije ca su nan tili sve spalit,ca in ni nista sveto bilo ca je naše hrvatsko.....nas ca smo svoju mladost ostavili po ledinan,ca smo puno svitanja novog dana docekali radujuc se ka tici ujutro jer smo eto ipak doživili još jedan dan,još jedan dan koji ce mo dat za svoju domovinu....za svoje ljude,za ovi kamen,grote,borike,masline...za našu dicu .......
Gorak je okus posli njegovih besid.......ne triba nas ni zakopat u ovu zemlju ka ljude.....ne triba nan zastava na kapselu ,ista ona za koju su suze tekle sa lica naših....ista ona kojon smo svoje prijatelje /suborce pokrivali na zadnjem ispracaju.....ista ona koju smo ponosno nosili u svin sranjima sta ih je neko drugi ucinija nama i našima.....ne tribadu nan pocasni plotuni.....naslušali smo se mi te muzike za tri života,još nan zunzi u ušima,još nas budi po noci.....e moja beno....baš si bena............jak je ovo narod,jaki su sinovi njegovi......nema takih nigdi na ovon baloti.......lecemo mi u ovu zemlju i bez tega,ma pantice se navike kakve je sinove jemala ova zemlja.....ali i vas druge koji ste eto našon voljon tod di ste ,i kakvi ste........e dabogda nan se ne ponovili
Post je objavljen 26.11.2008. u 12:52 sati.