Pregled posta

Adresa bloga: https://blog.dnevnik.hr/velikibrgud

Marketing

To su naše besede!!!!

Brgujci imaju svoj govor i svoje besede ke je teško navadit. Puno puti se Brgud i Brgujci spominju va novine. Obično to bude Novi list, ili Tramontana (a bilo je i drugih). Sakakovo javno spominjanje je dobro za Brgud, ali ne moremo više dopustit da naše besede pišu onako kako kemu odgovara. Saki novinar fine niku školu i fakultet, ali jena stvar mi ni jasna; ča su ti novinari spali na predavanja kad se je govorilo o upravnin govori ili ča drugo?! Očito su preskočili to. Aš ja san navadila da kad se nič piše va navodnike, da to onda mora bit točno ono ča je govornik rekal. A ne pisat nutri svoje besede kako kemu odgovara. Članak va novoj Tramontani je čista sramota za Brgujce. Promovira se Brgud i brgujski kapuz, a ustvari tribalo bi se zapitat kega se promovira. Je to Općina,neki osobno ili…? Va članki ki je napišen na 2 velike str.ni ni jene brgujske besede. Kada je ki Brgujac rekal da je brgujski kapuz „črjen i najboji“? Nikad niki! Brgujski kapuz je črljen i najbolji! Triba stat na kraj temu da niki smiron dela kontra nas, naših besed i naše tradicije.
Hvala sin ki javno spominju Brgud, ali neka drugi put ti članki budu stvarno napišeni onako kako mi govorimo. Ako rabi, saku besedu ćemo ponovit 5 puti i zapisat je.
I zapamtite – BRGUJSKI KAPUZ JE ČRLJEN!>

Post je objavljen 03.11.2008. u 17:31 sati.