Vu leta, kaj su nam data, svega se najti more.
Kak mali z veseljem bi sve šteli. Kaj da nam je sve tu nami dato; sve kaj videti moremo.
Kak leta mineju, nekak za videti nam je, da ni sve tak kak nam zgledi. Se premišlavat počnemo. Već smo vidli i predi da nekak se više vidi, nek se more. Tak puno toga projde polek i kaj da ga ni bilo ni. Nam lepše stvari za oko zapneju, al nemremo sve imeti. Dost toga prejde i polek volje naše. Ni se štelo nek tak da nebu. Se tak čovek nafči, da svet je velki i da puno toga prejde po neki volji kaj ni naša. Kaj da svet je to z puno razne volje.
I tak si čovek nekakvi put zbere i po njem prejde kroz živlenje napred. Se po malo dela, da bi bolje bilo i da lepše bi bilo čoveku i onima kaj z njim skup ideju. Se tak z vremenom dost toga priskrbi i sve to nekak zgledi.
Je, al bilo bi morti preveć lepo, da na putu črez živlenje ide sve samo tak, kaj bi se reći moglo, napred. Se i v gliba dojde.
Tak čovek pak nekaj nafčiti more. Če glib duboki ni, se lahko zvleče. Kaj je teži i ak se ponavla, bi neki, kaj skup ideju, mogli na drugoga puta prejti. Za skup iti ni lahko, kaj se i glibi skup zdelati trebaju. Skup ih, če je volje, lakše se prejti more. Se lakše povleči more, če se ruka da. Ima lepote i v putu kaj se glibe prejti treba. Onaj bez njih ni ni pravi put. Na glibu se vidi kome je ko nekaj.
Živlenju glibi lepotu daju. Na njem se lubav proba. A kad se ga prejde, za videti je da i za glibom puta ima. Če se skup prejde živlenje je još lepše. Če neko na njem z puta prejde, se nekaj nafči. Nekak se drukše sveta vidi, gda sam z sobom pripovedati počneš.
Vu dobru i zlu skup, se na početku veli. Leta kak mineju se i zaboravi. Al kaj vredi pamtit, ak v srcu se zgubi ono kaj živlenju sbagu da.
Naj Bogek sve to blagoslovi i svim kaj su v glibu nafčili sebe najti oči otpre.
Prijatelji dragi znajte da i za glibom puta ima. I tam ima onih, kaj kak I taj kaj se z sobom spominja, sveta sami glediju.
Vu živlenju lepota je skup prek glibih iti, verovati da skup ste jači, a vera ta bu vam lubav vašu još večom napravila.
Tak mi došlo, pa sam to nahitil. Valda ste već prokužili, oni kaj me pratite, kaj i kak klajkavski spripovedam.
Sad vas sve lepo pozdravlam, od srca, kaj vas voli vaš Mladen … :)
Post je objavljen 22.09.2008. u 15:46 sati.