Sam skužil da zapraf niš ne kužim
Nekak mi se svakakve misli po glavi motaju. Bi čovek reči mogel, da nemam kaj pametnejšega za delati. Na bolovanje su me deli kak sam pete na levi nogi potrl. Kresnul sam v rupu z njom i zgledi praf na neku železnu štangu vudril. Sve su to u traumi zrihtali i onda polako se privikavam, a noga se po malo vraća prema starom.
Baš mi terapeut rekel, da bi sa 30 kil ja već trebal po malo hoditi z jeno štako. Me čak i poslal dve runde tak oko terapijskog stola. Sam zgledil sfrkano kak neka umjetnička figura. Mi rekel: 'Pa dajte se zravnajte.', a ja njemu ko iz topa: 'A noga? Bum preveć kil pritisnul.'
Bu to kak negda, samo treba vremena. Se sećam, da sam kak mali čul jenu velku mudrost. Mi pokojni tatek rekel:' Kaj hočeš braco, pa se onaj kaj je z kruške pal moral isto strpii.' Je, nikaj ne dojde samo tak. I tak ja strplivo. već skor četri meseca, na štake hodim. Ide mi čist lepo, samo kaj su mi dlanovi fajn otvrdnuli. Me i boliju kad hodim, kaj baš i nisu zmišleni da bi se po njima hodilo. Znam, strpiti se moram, bar još malo. Tak je i Papa Štrumf rekel Štrumfovima, kad su se na breg verali, a oni ga svaki čas pitali: 'Kolko još?'. Rekel im je svaki put: 'Samo još malo!'. Mudro, kaj ne.
Pametnih je stvari svugde oko nas, samo kaj ih ne vidimo. Tak zgledi ni ja.
I pak, kak i skor navek, mi velke misli dolaziju. Pak mi se svemir v glavu smestil. V ovoj mojoj kaj da ima mesta i za dva svemira. Ma, naj bu ak more. Sve kaj je, negde mora bit. I tak krene nova vijugavica od misli.
Gruntam jel jes il nis. Kaj more uopće bit? Kaj je to vreme i zakaj je, ak uopće je. Puno bi ih se sfuflalo na takva gruntanja. Ja sam v tom kak doma. Navek mi zvekne nekaj novoga, kak neka luknja v misli. Pak se poveselim kak sam nekaj skužil. Vrtim, vrtim i vrtim i pak nikaj. I tak sam skužil da zapraf niš ne kužim.
I bi to bilo sve okej, da se nis setil onoga Grka lažljivca, kaj je rekel da svi Grci lažu. Kaj more biti to jedino kaj sam skužil?
I idem ja polahko dalje z dve štake. Ono z jednom bu kad bum malo sigurnejši. Baš bi mi trebalo da metnem više kil nek kaj smem na nogu. Ne kužim ja još navek kaj je 30 kil. Zapraf ne kužim ništ. Mi zgledi da v tom niš lošega ni.
To da sam skužil da niš ne kužim mi zgledi kaj da sam na jenom velkom početku. Bi se reči moglo da konačno imam onu čvrstu točku. Čudna je, al mi zgledi dost čvrsto. Znal sam mladima tu i tam reči, kad sam ih učil onu igru z kamenčićima, da je velka stvar znati, da neznaš. To je realan početak i čvrsti temelj za dobru gradnju.
Prijatelji dragi, i tak se ja ne sramim biti bedak. Zapraf to jesam, samo kaj većina to nemre razmeti. A kaj bi tek bilo da njima to velim? Ne, niš od toga. Oni moraju sami to sebi reči i prihvatiti. Tek onda si bumo z osmehom jen drugom to priznali.
Znate kaj? To ja zapraf mislim? To je to kaj sam skužil.
Voli vas i lepo pozdravla vaš Mladen ... z osmehom sa štaka ... :)
Post je objavljen 15.06.2008. u 19:36 sati.