Marketing
Portal party Mašogradskoga portala
Eto, da se javin, samo da ne bi ko mislija da san i ja bacija tastaturu u trnje ...
I da san tija zaboravit, nisan moga 
jerbo mi je @gregor posla toliko poruka da je portal party u petak, 31. svibnja 2008. povodon prve godišnjice @mašogradskoga portala, da mi ga je Outlook express počeja prikazivat ka SPAM 
A i nisan moga pisat i da san tija ove dane, jer deboto po cili dan nisan bija doma, bolest u familiji, nema smisla da vas sad dušin sa detaljima ... @zlatomamino i moja malenkost smo jemali pune ruke posla, i još jemamo, ali ovo je barenko poluvrime, da razradimo taktiku za nastavak 
I tako san se mora pojavit, a i jesan malo bija kurijožast, da vidin ča je to @gregor spremija ovi put.
Već je bila mrkla noćina i mračina kad san ariva na misto događaja,
... ovako pari da je ne znan koja mondena lučica, bolje da nisan slika po danu da se ne vidi horor-pozadina ove slike, sa znameniton tvornicon čikolate i bomboni «Jugovinil»
To je već bija dobar znak, da san mora daleko parkirat prometalo, koliko je aut bilo okolo, jedva san naša misto tamo daleko kod stari baraka od «Melioracije», ili da budemo malo moderniji, kraj nove kaštelanske sportske dvorane.
Lagano se gegajući dobija san prvi revolveraški obračun. A koga san to upuca?
Pa našega baštovana Tonča Jablana, nagrađenoga na nikidašnjem Kaštelanskome sajmu cvijeća za najlipši perivoj (Gojača), koji je čeka red za ulist unutra, i pokuša izvadit fotoaparat da će mene slikat, ali je bija prespor 
Revolveraški obračuni se nastavljaju i dalje ... ali ovi put je rezultat bija neriješen, ranilo je i mene ... @Galopinac je snima za potribu direktnoga prijenosa «Portal party» na Internetu, pa je ovi put on bija brži kod okidanja. Bar sad ne sliči na agenta FBI, ka ča je @gustirna nikidan bila primjetila .... a i @carla me je uspila uslikat, ali ja nju nisan ...
... a dobroj atmosferi je dala svoj doprinos i još jedna sadašnja/bivša/buduća blogerica svojin glason i stason ...
... bilo je ovod svakakvoga svita, ali nisan moga toliko ostat, mora san odit doma, spremat se za jutarnji đir. Makarska i drugi vatrogasni Kup Dalmacije ...
A za kraj, jedna slika za koju mi je ipak drago da san doša doli ... a koja govori dovoljno sama za sebe ...
... blago ti se, Toma
I na kraju, sve su to lipo začinili oni ča se vrtu na glavi ...
Zdravi i veseli bili ... 
Post je objavljen 31.05.2008. u 08:47 sati.