Pregled posta

Adresa bloga: https://blog.dnevnik.hr/velikibrgud

Marketing

Telova va Brgudi, 2008.

Va nike pasane tekste morete nać da piše kako Brgujce niš ne more frmat (daž,blato…). Nažalost, ovi put nas je daž frmal. Ne znači to da mi nismo imili volje ili želje za ča storit, da je se ovisilo o nan, procesija bi sigurno pasala kroz selo,ali ovi put je tako odlučil "Oni Gori".. Ma va pasane tekste isto tako morete nać da Brgujci drže do svoje užance i sega starega ča predstavlja naš Brgud i život naših starih. Nike od tih stvari su i roba za kućice, stare slike i se drugo ča rabi parićat , tako da je bilo bolje da se procesija odgodi, nego da se se to rovina. Žal nan je jako, puno ljudi se je parićivalo za to; i more se slobodno reć da je za Telovu Brgud najliplji i da ga ti dan čuda ljudi pride vidit. Valjda je tako moralo bit!
Bez obzira na daž, danas je 18 prvopričesniki prvi put dobilo Tijelo Kristovo. Bili su to prvopričesniki župe Mune i naše župe ki su se na maši predstavili ziz pjesmu "Krist na žalu" a podršku ziz flautu dala njin je Sara Kalčić.


Free Image Hosting at www.ImageShack.us Free Image Hosting at www.ImageShack.us Free Image Hosting at www.ImageShack.us Free Image Hosting at www.ImageShack.us Free Image Hosting at www.ImageShack.us



Post je objavljen 22.05.2008. u 20:27 sati.