Marketing
Susret hrvatske katoličke mladeži, Varaždin 2008.
Pasal je i taj vikend! Susret hrvatske katoličke mladeži 2008.leta je poza nami, a ono ča je pred nami, to je sigurno jena duhovna zrelost, jena velika punina va našin srci . Nič ča je teško napisat, reć kroz besede. Mislin da me razumi oni ki je bil tamo. Nažalost, Brgujci se nisu baš iskazali va velikin broji, valjda ćeju to opravdat za 2 leta va Zadri.
Posjetili smo Mariju Bistricu, Ludbreg, Čakovec, Varaždin i župu ka nan je bila domaćin – Sveti Juraj u Trnju kadi su nas prijeli va svoju sredinu, va svoje kuće i društvo ziz otprtin srcen. Teško je reć da se nigdi osjećamo k'o doma, ali mislin da je to tamo stvarno takoi bilo. Lipo je znat da je va ovo današnje vrime još tako dobrih ljudi. Neću puno pisat, stvarno niman riječi za to opisat, moren samo napisan jeno veliko HVALA, a drugo će rešit Oni Gori!
Hvala našemu velečasnemu ki je se organiziral, našoj animatorici Martini, velečasnemu Darkotu, sin ki su nan na bilo kakov način omogućili da na najbolji mogući način zapamtimo taj susret, našemu šuferu Arsenu, i puno, puno hvala familijan ke su nas prijele va svoje dome. Šaljemo njin jedan veliki pozdrav ziz našega Brguda!
Kega zanima more vidit malo i stranicu naših domaćin. Sveti Juraj u Trnju
Post je objavljen 03.05.2008. u 18:09 sati.