Marketing
Da te mogu pismon zvati, ja bi piva, ne bi staja.....da se stara jubav vrati, ne bi pismi bilo kraja....
Ah, da, to su ti stihovi kojima su finile ovogodisnje maskare na Cavji...smuc, smuc, a fakat ce mi falet.....ali kako obicno i biva, najboja od sih je bila zadnja subota na ku zamalo nisan sla (morete vi to zamislet!?).....uglavnon, na 8 i pol san ipak odlucila da mi se doma ne da bit pa san krenula va kopanje, oranje po on ormaru da najden nec za pipi long stoki ali normalno, nakon 100 kombinejsn, ja odusto od svega, ma gren ja ko posteni civilac...hehe....ove su obavile posteno kopanje po svojin ormarimi pa su nec i uspele zvuc dok mi je Martinica dosla ko kaubojka...hehe....hvala bogu, bilo je jos mojih istomisljenika pa mij bilo lakse, a prvoga koga san srela je Ivancica moj.....va domu je vec i bilo judih, za cudo bozje, as inace kad dojdemo su samo dica do jedno 11....prvo je tribalo sih pozdravit, izjubit i onda krenut na plesnjak.....hehe i ta potresujka....
Kad zasope trijestinka, staro mlado ponemeje
jos kad stari vaj zagusla, nemore bit veseleje...
sopi sopi trijestinka, neka cuji nasi mlaji
da te nismo pozabili, jos te vole nasi kraji.....
kad sope armunika, maldi ponemeju,
zakantaju na sav glas, doma ne oteju
kad sope armunika, brigi se pozabe
od nonic brzo poberu se uzanci stare....
Kako to obicno i biva, nasi gromicani moraju dokazat da su trdi gromicani i to nigdi drugdi leh za sankon....bar si siguran da ako nekoga od njih isces, da ces ga tamo i nac....hehe.....i da, nakon nekih uru, a kod nekih i 5 minuti, nastupa ona stara: in vino veritas....svasta tu cujes, ali bar znas da je iskreno...steta ca nisu tako iskreni i trezni ali jebga, nemores se imet....ma bas su legende, smo da se ne pokvare....ma znate onu: ne mores z njimi a ni bez njih....ma jubin ih sve posred cela i zoba dve strane....
Ah, uz maskare re i nas poznati rijecki karneva....i to smo odbavili, ja opet ko civilka as se ko i obicno nisan sjetila na vrime se to organizirat i dogovorit.....a tako je to......za drugo leto necu nis rec as da ne bi opet bilo isto.....steta, kisa je padala celi dan s povremenin prestankon ali nan to ni smetalo, nekimi zato as su bili letve a drugimi as in je to uzivancija...ja spadan va drugu grupu, da se razumi, ok?!!?!? hehe....
Nakon nedije, odnosno pondijka s obziron da san dosla doma va sitnin satimi, maskarano ludilo nastavilo se utorak, palil se pust....ok, ja san videla samo kako mu glava gori ali i to je nec....ko ca san i prije rekla, brzo sn sh nasla nigdi drugdi leh za SANKON...se smo zacinili z kaficon va Bonacci, ko ca obicno i biva.....hehe, do drugoga posta, VELA PUSA SIMI!!!!
Post je objavljen 07.02.2008. u 10:57 sati.