Marketing
Pepelnica - čista sreda
Poli nas va Novon na čistu sredu-Pepelnicu održava se zadnji dan Mesopusnih običaja. Danas je sprogod mesopusta, gre ga se zapalit na puntu. Vavik se gleda kamo će dim krenut, dal će bit ribe ili morda prema šumi.
Mesopustari su danas jako tužni, pa će i njihova muzika bit takova, tužna. Hodit će jako pomalo, s noge na nogu.
Va samom sprogodu bit će popih, koludric i raznih drugih pučana ki će ovog našeg mesopusta otpratit do punte.
Na današnji dan počinje i Korizma.
P.S. dalje ćemo se čut iza sprogoda.
Sami spragod je pasal kako treba veselo i tužno, baš onako kako si zijamo zadnje dani:
BIL JE, NI GA, OPET ĆE PRIT - ZEL GA'J VRAG ZA CELO LETO DAN
Dozvolite da puno ne pripovidan, jer ov zadnji dan slike će same govorit, povremeno ću samo ubacit ki god kratki komentar.
Saki mesopusni sprogod počinje tako da mesopustari gredu tri put oko grada, a zadnji krug i tri put oko koprivića pa tek onda niz korzo počinje pravi sprogod.
POPI, KOLUDRICE I DRUGI
Sprogod
Post je objavljen 06.02.2008. u 12:12 sati.